Ikirango cya Miss Rwanda cyavuguruwe

Abategura irushanwa ry’ubwiza rya Miss Rwanda bahinduye ikirango cyari gisanzwe kiranga iri rushanwa bakora ikindi kigaragaza umukobwa ufite amasunzu.

Muri iki cyumweru nibwo Rwanda Inspiration Back up itegura Miss Rwanda yatangaje ko bafunguye amarembo ku bakobwa bifuza guhatana ku uzaba Miss Rwanda 2020.

Nyuma yo gutangaza ibyo baboneye ho no kuvuga ko uyu mwaka ururimi rw’ikinyarwanda ruzagenderwaho cyane noneho mu z’indi ndimi zisigaye umukobwa uhatanye akaba ariwe wihitiramo urwo azakoresha.

Ikindi cyahindutse muri iri rushanwa ni ikirango bari bamaze imyaka itatu bakoresha bavuguruye.

Ikirango cyari gisanzwe ho kerekanaga ifoto y’umukobwa wambaye “Ikamba, afite n’urugori mu gahanga hamwe n’urunigi mu ijosi.”

Mu kirango gishyashya n’ubundi bakoresheje ifoto igaragaza umukobwa ariko bakuramo ‘Urunigi’, ku mutwe we ahari ikamba bongeyeho ‘Amasunzu’.

Iki kirango gishya kije ari icya kane kuva Miss Rwanda yatangira, icya mbere kerekana umukobwa uhagaze yambaye ikanzu ndende, icya kabiri kerekanaga ‘Ikamba’ gusa. Ibindi ni ibyo twavuze haruguru biheruka.

Ikirango ni kimwe mu mitungo ikomeye urwego cyangwa ikigo runaka kigira kuko gifasha mu kubigaragaza neza no kubitandukanya n’ibindi.

Ishimwe Dieudonne avuga ko impamvu bongeye amasunzu mu kirango cya Miss Rwanda, ari mu rwego rwo kurushaho kugaragaza umuco w’u Rwanda nk’uko irushanwa ari iry’abanyarwanda.

Genesisbizz

Related Articles

TANGA IGITEKEREZO