Ikizere kiraza amasinde Romeru Lukaku nyuma yo kwizerwa agatenguha Chelsea agiye gusubira mu Butaliyani

Ibinyamakuru bitandukanye mu gihugu cy’Ubwongereza byamaze gutangaza ko Romeru Lukaku ukomoka mu gihugu cy’Ububiligi agiye gusubira mu gihugu cy’Ubutaliyani mu ikipe ya Inter Milan ndetse uyu mukinnyi biravugwa ko n’umushahara yamaze kuwumvikana n’iyi kipe.

Ikinyamakuru Football London cyamaze gutangaza ko rutahizamu wa Chelsea bwana Romeru Lukaku yamaze kumvikana umushahara n’ikipe ya Inter Milan nyuma y’aho uyu mugabo asubiyeyo nk’intizanyo nyuma yo kugurwa amafaranga akangari bikarangira atagize umwaka mwiza w’imikino muri Chelsea.

Uyu mukinnyi w’imyaka 29 y’amavuko biravugwa ko yasabye ushinzwe kumushakira isoko ngo amusuzumire icyo byasaba ngo abe yakwerekeza mu gihugu cy’Ubutaliyani nibura mbere y’amezi 12.

Uyu mukinnyi bivugwa ko yabanje kugirana ibiganiro bitandukanye n’umuherwe mushya w’ikipe ya Chelsea bwana Toddy gusa ngo bisa nkaho ntacyo byagezeho gifatika hashingiwe kubyo uyu mukinnyi yifuzaga bijyanye n’ahazaza he.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO