Nyir’ibyago imbwa ziramwonera nyuma y’intambara Afghanistan yibasiwe n’umutingito uhitana abasaga 1000

Imbaga nya mwinshi y’abarenga 1000 nibo bamaze guhitanwa n’umutingito waje kwibasira iki gihugu ubusanzwe gikunze kurangwamo n’intambara.

BBC yaganiriye na Leta y’aba Taliban maze iyi Leta iza guhamya ko umubare umaze kumenyekana w’abantu bahitanywe n’uwo mutingito bagera ku 1000.

Amafoto akomeje kugaragaza ko inzu zasenyutse maze zikagwa ku bantu mu Ntara ya Paktika iri mu Burasirazuba bwa kiriya gihugu.

Hibatullah Akhundzada, Umuyobozi w’umu-Taliban avuga ko inzu amagana zasenyutse ndetse bikaba bishobora kongera imibare y’abahitanywe n’umutingito.

Ukuriye itumanaho mu Ntara ya Paktika witwa Mohammad Amin Hazifi, yabwiye BBC ko abantu 1000 babaruwe mu bapfuye, abandi 1,500 bakomeretse.

Itsinda ry’abatabazi rikomeje gushakisha ababa bakiri bazima cyangwa abapfuye bagwiriwe n’ibinonko by’inzu zasenyutse.

Ibiro ntaramakuru bya Afghanistan Bakhtar News Agency byatangaje ko uyu mutingito wasenye amazu atari make ndetse n’inkomere zirenga 600.

Amakuru atangwa n’ikigo cya European Mediterranean Seismological Centre avuga ko uyu mutingito wanageze mu bindi bice bya Pakistan n’Ubuhinde ndetse n’umurwa mukuru Kabul wa Afaghanistan nubwo ho nta mibare y’’abagizweho ingaruka n’uyu mutingito.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO