Imbamutima z’Umugore wa Producer KnoxBeat nyuma y’ubukwe bwabo

Habimana Joseph uzwi nka Producer Knox Beat umaze kumenyekana mu gutunganya indirimbo muri Monster Record yasezeranye n’umukunzi we Akamikazi Bernice umugore we avuga ko yishimye cyane bitewe n’uko agiye kujya ahora hafi y’umujyanama we.

Ku cyumweru tariki ya 03 Mata 2021 n’itariki itazibagairana mu buzima bwa Producer Knox Beat n’umukunzi we Akamikazi Bernice ubwo bombi bemeranyanga kubana nk’umugabo n’umugore ubuzima bwabo bwose.

Uyu muhango wo gusaba no gukwa wabaye nyuma yaho Tariki ya 02 Mutarama 2021 Knox yambitse impeta umukunzi we Bernice amusaba ko yazamubera umugore, undi nawe akabimwemerera adaciye ku ruhande ko azamubera umufasha iteka ryose.

Nyuma kumwambika impeta Tariki 25 Werurwe 2021 basezeranye imbere y’amategeko n’umukunzi we Akamikazi Bernice mu muhango wabereye mu murenge wa Nyakabanda, Akarere ka Nyarugenge.

Nyuma y’iyo mihango aba bombi ku cyumweru nibwo bemeranyije imbere y’imiryango yombi ko bazabana akaramata ni mu mihango yo gusaba no gukwa yabereye mu karere ka Kamonyi ahazwi nko ku Ruyenzi naho gusezerana bibera Sunday Park ku Kacyiru.

Ubukwe bwa Knox bwari bwitabiriwe na bamwe mu byamamare hano mu Rwanda nka Rocky Kimomo wari wamubereye Parrain , Social Mula na M.Izzle.

Mu kiganiro kigufi na Genesisbizz KnoxBeat na Bernice batangaje ko ari ibyishimo kuri bo

Yagize ati ”Nishimiye indi ntambwe yo kurushinga nateye. Ni ibintu bikomeye ariko biba bikenewe mu buzima bwa buri munsi. Ikindi kugira umuntu ugisha inama, akakuba hafi bya buri munsi biba bikenewe cyane. Ni ibyishimo.”

AMAFOTO: NSANZABERA Jean Paul

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO