Uyu musore nyuma yo gutungurwa nabo bakorana ndetse n’inshuti ze yagiye ku rubuga rwe rwa Instagram ashyiraho amafoto menshi cyane maze ashimira abagize uruhare mu kumufasha kwizihiza isabukuru ye y’amavuko nubwo ngo bamutunguye atabizi.

Yagize ati “ Ejo hashize wari umunsi wihariye kuri njye kandi nishimiye impano z’isabukuru mwampaye, ukuza kwanyu n’urukundo munyereka ni ibyishimo byinshi kuri njye n’umuryango wanjye, nifuzaga kubasangiza uburyo nishimyemo ariko nabuze icyo nkora. Mwarakoze cyane kuntungura."

Mu kiganiro na Genesisbizz yadutangarije byinshi nyuma y’ubutumwa yageneye inshuti ze. Ati “Uriya munsi warantunguye cyane kuko nateganyaga gushaka ahantu nanjya n’inshuti zanjye ariko natunguwe nuko abo natekerezaga bose aribo bantunguye kuri uriya munsi."

Fayzo yakomeje agira ati “Reka nshimire umufasha wanjye kuko niwe wagize icyo gitekerezo cyo kuntungura hamwe na zimwe mu nshuti zanjye afitiye numero za telefoni , ndashimira kandi buri wese wakiriye ubutumwa bw’umufasha wanjye akabasha kuhagera."

Ubusanzwe Fayzo yavutse ku tariki ya 27 Ugushyingo 1990 avukira mu mugi wa Kigali ari naho atuye kugeza ubu aka yubatse afite umugore n’abana.

Umunyamakuru P Pac n’Umufotozi Babou Daxx bifurije fayzo umunsi mwiza

Producer Niz Beat Ni umwe mu nshuti magara za fayzo Pro

Amashusho menshi y’Indirimbo za Mico the Best atunganywa na Fayzo Pro

Giti Junior na Producer Niz Beat byabanze mu nda bamusiga umutsima mu maso

Fayzo Pro n’umufasha we ibyishimo byari byose

Uhujimfura Jean Claude ushinzwe abahanzi muri Kikac Music na Danny Nanone nabo n’inshuti za Fayzo bya Hafi

Umuhanzi Holly Rapper nawe amashusho y’indirimbo ze nyinshi akorwa na Fayzo Pro

Umuhanzikazi Bwiza wo muri Kikac Music nawe ntiyacikanywe

Umunyarwenya Clapton Kibonge nawe yari yatumiwe muri ibyo birori

Umunyarwenya Rufendeke ntiyacikanywe

Umukinnyi wa Filime akaba n’Umuhanzi Nick nawe n’inshuti ikomeye ya Fayzo Pro

Dr Kintu Muhammad Umuyobozi mukuru wa Kikac Music yifurije Fayzo isabukuru nziza