Imbamutima za Skizzy (KGB) n’ibyo wamenya ku mukobwa yambitse impeta

Umuhanzi Rurangwa Gaston wamenyekanye nka Skizzy mu itisnda rya KGB nyuma yo kwambika impeta umukunzi we Nkundabose Clémence yavuze ko anyuzwe mu mutima kuko uwo mukobwa yamwemereye kuzamubera umugore.

Uyu muhanzi wakunzwe cyane ubwo yaririmbaga mu itsinda rya Kigali Boys (KGB), Iki gikorwa yagikoze mu mpera z’icyumweru gishize ku wa Gatandatu tariki ya 13 Werurwe 2021 atunguraga umukunzi we amusaba ko yazamubera umufasha akamwambika impeta y’urukundo.

Nkundabose Clémence nawe mu byishimo byinshi ntiyazuyaje ubwo yambikwaga iyo impeta nawe yahise abyemera. Avuga yego.

Skizzy utashatse kugira byinshi avuga ku mukunzi we yatangarije GENESISBIZZ ko ari mu byishimo byinshi nyuma yo kwemererwa n’umukunzi we ko azamubera umugore ubuzima bwe bwose.

Yakomeje agira ati "Ni indi ntambwe nteye mu buzima kandi ndanezerewe cyane kuri uyu munsi."

Imihango y’ubukwe bw’uyu musore yadutangarije ko ari vuba akiri kwitegura neza no kureba aho iki cyorezo cya coronavirus kigana kugira ngo azabashe kwishimana n’inshuti ze kuri uwo munsi .

Nkundabose Clémence wemereye Skizzy kumubera umugore ni umukobwa ufite imyaka isaga 24. Avuka mu ntara y’Amajyepfo mu karere ka Nyanza mu murenge wa Busasamana.

Skizzy yamenyakanye mu itsinda rya KGB aho yaririmbanaga na bagenzi be babiri MYP na Nyakwigendera Henry witabye Imana 2012 aguye mu kiyaga cya Muhazi.

Nyuma y’ibyo bibazo iri tsinda ryahise rimera nkirihagaze kuko na mugezi wabo MYP yaje kwerekeza muri Leta Zunze ubumwe z’Amerika gukomerezayo amasomo ye.

Skizzy wari usanzwe ari n’umunyamakuru, yakomeje umwuga w’itangazamakuru ariko akarivanga n’ibindi bikorwa binyuranye. Kugeza ubu asigaye ari umukozi muri Skol Rwanda.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO