Imbere y’Ababyeyi be Bwiza yerekanwe ku magaragaro; Ati"Sinje guhatana na bakuru banjye"

Isosiyete ifasha abahanzi ya Kikac Music kuri uyu wa gatanu tariki ya 17 Nzeri 2021 yamukiriye itangazamakuru bimwe mu bikorwa yagezeho ndetse inerekana umuhanzi iherutse gusinyisha watsinze amarushanwa wa The Next Diva ari we Bwiza Emerance.

Uyu muhango wabereye muri Hotel Boaba I Nyamirambo witabiriwe n’abantu benshi biganjemo abanyamakuru, abahanzi ndetse na bamwe mu bajyanama b’abahanzi nka Muyoboke Alexis na bandi benshi.

Mu ijambo ryo guha ikaze abatumiwe Bwana Kintu Muhammad yashimiye buri wese witabiriye ubutumire aboneraho ashimira abanyamakuru ndetse na bafatanyabikorwa batandukanye.

Yakomeje avuga ku byo bagezeho mu myaka itatu ishize Kikac Itangiye ibikorwa byo gufasha abahanzi barimo Danny Vumbi, Mico The Best na Bwiza Emerance.

Muyoboke Alexis nk’umwe mu bafatwa nk’umujyanama Mukuru mu bajyanama b’abahanzi hano mu Rwanda mu ijambo rye yabanje gusaba abaraho ko bafata umunota umwe wo kwibuka Umuhanzi Tuyishime Joshua uzwi nka Jay Polly .

Agarutse ku muhanzi mushya wasinye muri Kikac Music yamuhaye n’inama yo kuzagira ikinyabupfura ndetse n’ubwitonzi kuko aribyo bizatuma agera ku byinshi .

Ikindi yamusabye nuko kuba Kikac Music kuba yaramuhisemo atazagomba kwifata nk’umuhanzi uje arenze abandi bamubanjirije ahubwo amusaba ko yakora cyane kandi akigira kubamutangiriye yasoje amusaba ko azakora cyane kugira ngo azagere kure benshi bamwitezeho .

Mu gusoza Muyoboke yasabye abanyamakuru ko muri ibi bihe byakabaye ngombwa ko itangazamakuru ko bakongera ingufu mu gukomeza gufasha abahanzi mu buvugizi bw’ibintu bitandukanye.

Umushyitsi Mukuru w’Umunsi yari Bwiza Emerance Mu ijambo rye; yashimiye Imana cyane ndetse akurikizaho ababyeyi be bamugiriye inama ndetse bakanamufasha kugira ngo bamwemerere kujya mu muziki

Yakomeje ashimira Kikac Music n’abahanzi bayibamo uburyo bamwereka inzira anyuramo kandi anabashimira icyizere bamugiriye mu irushanwa rya The next Diva.

Asoza yijeje abanayarwada muri Rusange nuko umuziki aje gukora Atari umuziki wo guhangana ahubwo ari umuziki wo guteza imbere muzika nyarwanda aho yifuza gushyira itafari kubyo bakuru be bamubajirije bakoze .

Umubyeyi wa Emerance mu ijambo rye yashimiye itsinda rya Kikac Music ryose ,yavuze uko mu myaka yashize kugira ngo umubyeyi yemere ko umwana we ajya mu muziki byabaga ari ibintu bigoye cyane , ariko kuri ubu ibintu byarahindutse cyane kuko nta mpamvu yo kuzimangatanya impano ya Bwiza bakaba ariyo mpamvu bamugiriye inama ndetse bakanamushyigikira kugeza abonye umufasha .

Mu gusoza yavuze ko impano ya Bwiza banze ko ipfa ubusa bakaba ariyo mpmavu bemeye ibyavuye mu irushanwa rya The next Diva basaba ubuyobozi bwa Kikac Music ko yazakomeza kumurebera hafi kandi yizeye ko hamwe n’Imana byose bazabigeraho .

Mama we yavuze ko yanejejwe n’uko umukobwa we yabaye umuhanzi ahubwo yatunguwe n’uburyo umwna yagiye mu irushanwa bitunguranye kandi akaba ari mu maboko meza ya Kikac .

Amafoto: Babou Daxx

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO