Imbuga za Telegram na Whatsapp nizo zonyine zisigaye zikoreshwa mu Burusiya izindi zarafunzwe

Imbuga nkoranyambaga za Whatsapp na Telegram nizo zisigaye zitarafungwa na leta y’Uburusiya aho izindi zitandukanye nka Facebook na Instagram zo zamaze gufungwa.

Kuva Uburusiya bwashoza intambara kuri Ukraine, bwafatiwe ibihano by’ubukungu bitandukanye ndetse kuri ubu hiyongeyeho gufunga imbuga nkoranyambaga zitandukanye.

Ba nyir’imbuga nkoranyambaga zitandukanye bamwe bahisemo kuzifunga mu Burusiya ndetse hari n’izo iki gihugu cyahisemo gufunga bitewe n’impamvu za politike.

Kugeza ubu urubuga rwa Youtube rwamaze gufunga konti zarwo zinyuraho ibiganiro bifitanye isano na leta y’Uburusiya ndetse buri konti aho yaba iri ku isi zarafunzwe.

Kugeza ubu Youtube ishobora gufungwa burundu mu Burusiya nk’uko byatangajwe n’ushinzwe imikorere y’ibitangazamakuru mu Burusiya bwana Roskomnadzor, impamvu nyamukuru ngo ni uko uru rubuga rubogama kandi rugashinjwa kurwanya leta Y’Uburusiya.

Kuri ubu imbuga nkoranyambaga zisigaye zikoreshwa cyane mu Burusiya ni Whatsapp na Telegram, ndetse impuguke zivuga ko izi zishobora kudafungwa bitewe n’uko ubutumwa bushobora guhererekanwa kuri izi mbuga ari buke ugereranyije n’izindi ndetse imbuga nka Telegram zikoreshwa n’abantu bake.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO