Iminsi ihinyuza intwari Luis Suarez asubiye mu ikipe yakuriyemo

Umukinnyi Luis Alberto Suarez Diaz nyuma yo kwigaragaza bikomeye mu mashampiyona yo ku mugabane w’Uburayi kuri ubu imbaraga zamaze kumushirana ahisemo gusubura iwabo mu ikipe ya Nacional muri Uruguay.

Uyu mugabo w’imyaka 35 y’amavuko yasoje amasezerano mu ikipe ya Athletico Madrid.

Suarez atekereje gusubira iwabo nyuma yo kwanga ubusabe bw’amakipe atandukanye arimo Borussia Dortmund.

Abinyujije kuri Instagram, uyu mugabo yatangaje ko asubiye mu gihugu cyamwibarutse aho asubiye mu ikipe yakuriyemo.

Mu magambo ye yagize ati: "Ubu maze kugirana amasezerano y’ubwumvikane n’ikipe nakuriyemo. Ntabwo kuri njye byankundira guhakana aya mahirwe mbonye. Ndizera ko ibindi bisigaye biza kujya ku murongo vuba aha."

Louis Suarez bwa mbere yatandukanye n’ikipe ya Nacional ahagana mu mwaka wa 2006 aca mu makipe yo mu gihugu cy’Ubuholandi cyane cyane Ajax aho yayivuyemo yerekeza muri Liverpool nyuma y’imikino y’igikombe cy’Isi mu mwaka wa 2010 aho iki gikombe cyabereye muri Afurika y’epfo.

Uyu mugabo yahanyuranye umucyo mu ikipe ya Liverpool aho yabashije kuyitsindira ibitego bitandukanye ndetse yaje kwerekeza muri Barcelona mu mwaka wa 2014,abasha gutwaramo Champions League mu mwaka wa 2015 ubwo yari ayoboranye ubusatirizi na Lionel Messi hamwe na Neymar.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO