Imirimo y’urukiko rwashyizweho mu gusuzuma ubuzima bwa Rugamba Sipiriyani na Daforoza ngo bagirwe Abatagatifu yasojwe

Hategerejwe Umuhango w’isozwa ry’imirimo y’urukiko rwari rugamije gusuzuma ukuri ku bumaritiri bwa Sipiriyani na Daforoza Rugamba n’abana babo bapfanye nabo, basabiwe kugirwa abatagatifu.

Kiliziya mu Rwanda yatangije iperereza kuri bamwe mu bana bayo kugira ngo babe bashyirwa mu rwego rw’abahire ndetse n’urwego rw’abatagatifu.

Tariki ya 2 Ukwakira 2015 niho Nyiricyubahiro Thaddée NTIHINYURWA, Arkiyepiskopi wa Kigali uri mu kiruhuko cy’izabukuru, yatangije ku mugaragaro imirimo yo gusaba ishyirwa mu bahire no mu batagatifu Cyprien RUGAMBA (1935-1994) n’umugore we Daphrose MUKANSANGA (1944-1994) ndetse n’abana babo 6 bapfanye nabo (Emérita, Serge, Cyrinus Cyrdy, Dacy Aubin, Cyrdina Marie-Hélène, Ginie Colombe n’umwishywa wabo Marina Gabriella).

Twibutseko aba basabirwa gushyirwa mu rwego rw’abahire n’urwego rw’abatagatifu aribo batangije mu Rwanda Communauté de l’Emmanuel (1990).

Kuva kuri iyo tariki hashyizweho kandi itsinda ryagombaga kugenzura no kwegeranya ubuhamya kuri abo bakristu.

Iryo tsinda ryari rigizwe na Padiri Jean Bosco NTAGUNGIRA: Intumwa y ‘Umwepiskopi ; Padiri Martin UWAMUNGU, Umurengezi w’ubutabera ; Madame EDITH KAYITESI, Umwanditsi na Madame Donatilla MUKESHIMANA, Umwanditsi wungirije.

Kuri uyu wa Kane, tariki ya 23 Nzeri 2021 niho harasozwa imirimo yose y’iperereza ku mibereho ya Rugamba Cyprien na Daphrose MUKANSANGA ndetse n’abana babo bapfanye nabo. Ibyavuye muri iryo perereza byose bishyirwa hamwe bikoherezwa i Roma.

Uyu muhango urabera muri Kiliziya ya Regina Pacis/Remera, ubimburirwe n’igitambo cy’Ukaristiya kirayoborwa na Nyiricyubahiro Antoine Cardinal KAMBANDA, Arkiyepiskopi wa Kigali, afatanyije n’abandi bepiskopi bagize inama y’Abepiskopi Gatolikas mu Rwanda.

Imirimo y’urukiko rwari rugamije gusuzuma ukuri ku bumaritiri bwa Sipiriyani na Daforoza rugamba n’abana babo bapfanye nabo irasozwa none

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO