Imitoma ya Bijoux wo muri Bamenya abwira Umuhanzi Lionel Sentore bari mu rukundo

Munezero Aline uzwi nka Bijoux muri filime y’uruhererekane ya Bamenya yatangaje ko ari mu rukundo hamwe n’umuhanzi Sentore Lionel ubarizwa ku mugabane w’Iburayi.

Uyu mukobwa abinyujije ku mbuga nkoranyambaga ze yerekanye amarangamutima ye agira ati “Gukunda ntacyo bivuze ariko gukundwa ni ikintu gikomeye ariko bikaba akarusho iyo ukunze ukanakundwa.Ndagukunda Lionel Sentore.”

Uru rukundo rwa Bijoux n’uyu musore rutangajwe muri iyi minsi aho aziye mu Rwanda avuye mu Bubiligi aho atuye (Lionel).

Aba bombi kandi babitangarije mu kiganiro bakoranye na Isimbi TV aho bari bahurijwe hamwe mu kiganiro.

Bijoux avuga ko ikintu cya mbere yamukundiye ari uko ari umuhanzi ukora umuziki wa Gakondo kandi akaba awukunda.

Bijoux si ubwa mbere avuzwe mu rukundo kuko mu myaka nk’ibiri ishize yari yambitswe impeta n’umusore witwa Bent ariko baza gutandukana badakoze ubukwe. Impeta aza no kuyikuramo.

Sentore Lionel, ni umuhanzi ukorera umuziki mu Bubiligi ariko akibanda kuri Gakondo. Ubu atuye mu Bubiligi mu mujyi wa Antwerp aho amaze imyaka irindwi ahatuye.

Uyu musore ubu ari mu Rwanda aho yazanywe no gusura umuryango we gusa ngo ashobora no kuzahava ahakoreye ibikorwa by’umuziki nubwo atazanye na mugenzi we baririmbana mu Ngangare.


Munezero Aline avuga ko akunda Sentore Lionel


Sentore Lionel asanzwe atuye mu Bubiligi

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO