Imitoma ya Riderman ku mugore we wagize isabukuru y’amavuko

Umuhanzi w’umuraperi Riderman muri iki gitondo abyutse ataka umugore we Agasaro Nadia wagize isabukuru y’amavuko amubwirako ari umunyamahirwe kuba amufite iruhande rwe.

Riderman na Agasaro Nadia ni imwe mu miryango y’ibyamamare mu Rwanda ikunze kwerekana amarangamutima yabo mu rukundo no kwihishira bikanga bikaba ngombwa ko babyerekana ku mbuga nkoranyambaga.

Taliki ya 26 Ukwakira niwo munsi umugore we yaboneyeho izuba. Uyu muraperi nk’ibisanzwe kuri iyi taliki aba afite icyo agomba kubwira urubavu rwe.

Abinyujije kuri instagram ye yifurije isabukuru nziza umugore we amutera imitoma.
Ati “Isabukuru nziza k’umukecuru nkunda cyane #Agasaro Nadia. Umutima utuje kandi ukunda bose, kubaha Imana n’abantu, gukunda igihugu cyacu n’umuco wacyo.... n’ibindi byinshi byiza byawe ntarondora, uzabihorane kandi uzabirage abazadukomokaho.

Uwiteka aguhe kuramba, aguhundagazeho imigisha ye, kandi akomeze akugende imbere muri uru rugendo rw’ubuzima turimo ku isi…Ndi umunyamahirwe cyane kuba ngufite mu buzima bwanjye.”

Agasaro Nadia Farid Ishmael na Gatsinzi Emery [Riderman] babana nk’umugore n’umugabo kuva muri Kanama 2015. Bashyingiranywe bombi basanzwe bazwi mu ruhando rw’imyidagaduro, umugore yari afite ikamba rya Nyampinga wa Kaminuza ya Mount Kenya ry’uwo mwaka, umugabo azwi nk’umuraperi ukomeye mu Rwanda.


Riderma na Nadia barushinze muri 2015

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO