Impamvu Igisonga cya mbere ‘Umwiza Phionah’ yaje muri Miss Rwanda 2020

Umwiza Phionah wabaye igisonga cya mbere cya Miss Rwanda 2020 avuga ko abakobwa bose baza mu irushanwa rya Miss Rwanda baba bafite impamvu zitandukanye ize ariko ngo zitandukanye no kuza ashaka kwamamara.

Umwiza Phionah ni umukobwa w’imyaka 18, atuye mu mujyi wa Kigali mu karere ka Gasabo mu murenge wa Kimironko ariko akaba yaraje muri Miss Rwanda ahagarariye intara y’Iburasirazuba.

Amashuri yisumbuye ayasoreje mu kigo cya King David Academy aho yigaga ibijyanye n’imibare, ubukungu ndetse n’ubumenyi bw’Isi.

Kuba yariyandikishije akaza guhatana mu irushanwa rya Miss Rwanda ni uko ngo yigiriye icyizere akumva ko ashoboye.

Ati “Mbwira ababyeyi banjye ko nanjye ngiye guhatana muri Miss Rwanda ntabwo bigeze bandwanya ahubwo barishimye cyane bavuga ko ari igikorwa kiza.”

Hari bamwe bajya bavuga ko abakobwa baza muri Miss Rwanda ahanini baba bagamije kwimenyekanisha kugirango ayo mahirwe bayabyazemo izindi nyungu ugasanga bamwe batangiye kwerekana imico mibi.

Ati “Ikintu navuga ni uko buri mukobwa agira impamvu aba ari hano si dutekereza kimwe gusa ku giti cyanjye mbona biterwa na buri muntu uko abyiyumvamo. Sinemera ko waba ikirara kuko wajemo hano n’ubundi udasanzwe uricyo, uri umukobwa ufite intego uba ufite n’aho kugera bitandukanye nibyo.”

Umushinga wa Umwiza Phionah ni uwo kurwanya ihohoterwa rikorerwa abana b’abangavu bari munsi y’imyaka 18 ariko rishingiye ku gitsina.

Uburyo azakoresha kugirango umushinga we ugerweho neza harimo gukora ubuvugizi ahantu hose hashoboka ahumuriza abahohotewe ababwira ko ubuzima bushobora gukomeza ndetse agasaba n’ababihishira kubivuga kugirango bagire ejo heza.


Umwiza Phionah avuga ko azakora ubuvugizi ku bangavu bakorerwa ihohoterwa rishingiye ku gitsina


Avuga ko kwamamara bitahindura imibereho ye ngo abe ikirara

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO