Impamvu Knowless atagaragaye mu mashusho y’indirimbo yakoranye n’umuhanzi wa Tanzania na RDC

Umuhanzi ukomoka muri Tanzania yasohoye indirimbo nshya yitwa Tingisha Mguu arihamwe n’undi witwa Gaz Fabilouss wo muri RD Congo na Butera Knowless ariko we utarigeze agaragara mu mashusho yayo.

Iyi ndirimbo ni iya Christian Bella ukomoka mu gihugu cya Tanzania wifuje gukorana n’aba bahanzi bandi barimo n’Umunyarwandakazi Butera Knowless.

Yasohotse taliki ya 8 Ukuboza 2020, Knowless aba aririmba mu rurimi rw’ikinyarwanda ariko avangamo n’igiswahili.

Mu mashusho y’iyi ndirimbo ntabwo we agaragaramo kuko aho aririmba banyuzamo abakobwa baba bari kubyina.

Ishimwe Clement ukurikirana inyungu za Butera Knowless mu muziki yavuze ko iyi ndirimbo ijya gukorwa bifashe amajwi bayoherereza uyu muhanzi Christian Bella.

Kuba Butera atagaragara mu mashusho y’iyi ndirimbo ngo ni uko byatewe na Covid-19 babura uko bajya muri Tanzania.

Ati “Kuba atagaragara muri Video byatewe na Covid.”

Amashusho y’indirimbo yafatiwe muri Tanzania mu mujyi wa Dar es Salaam akorwa nabitwa Kwetu Studios.

Christian Bella wakoranye indirimbo na Knowless

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO