Impamvu Bobi Wine yikuye mu kirego yaburanagamo cyo kwibwa mu matora

Umuhanzi akaba n’Umuyobozi w’ishyaka ritavuga rumwe n’ubutegetsi muri Uganda (NUP) Robert Kyagulanyi Ssentamu wamenyekanye nka Bobi Wine mu buhanzi yikuye mu rubanza nyuma yo gutsindwa amatora y’umukuru w’igihugu muri Uganda atsinzwe na Perezida Yoweri Museveni.

Nyuma yo gutsindwa mu matora yahataniraga yo kuba Prezida wa Uganda Bobi yagaragaje ko nta mpamvu n’imwe yo kongera ibindi bimenyetso ku byatanzwe n’itsinda ry’abanyamategeko be mu rwego rwo kureka kuburana kuri ibyo birego.

Bobi wine yatangaje ko gukomeza kwiruka mu nkiko ntacyo bimaze ahubwo ko ikibazo cye kizakemurwa n’abaturage gusa , yanaboneyeho gusaba abamushyigikiye ko batakwishora mu bikorwa by’ihohoterwa .

Iki cyemezo cya Bobi Wine agifashe nyuma y’umunsi umwe Perezida Museveni, Komisiyo y’amatora n’umushinjacyaha mukuru batanze ibyemezo byabo 185 basubiza impamvu 53 zatumye itsinda ry’abanyamategeko bishyaka NUP ryari rimaze iminsi ritanze ibindi bimenyetso rishaka kwerekana ko amatora yibwe kandi ko atari mu bwisanzure no mu mucyo.

Ishyaka rya Perezida Museveni naryo ryanyujije ubutumwa kuri Twitter bavuko Museveni yatsinze uru rubanza.

Ku cyumweru abunganira ishyaka riri ku butegetsi (NRM) bavuze ko Bobi Wine azahura n’ingaruka zikomeye z’amafaranga aramutse atinyutse kwanga icyifuzo cyamaganaga intsinzi ya kabiri.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO