Impano y’ururabyo wagenera uwo wihebeye ku munsi w’abakundana

Indabyo ni zimwe mu mpano z’ingenzi ku munzi w’abakundana ndetse no mu buzima busanzwe bw’imibanire y’abagize umuryango mugari w’abantu. Mu gihe hitegurwa kwizihiza umunsi w’abakundanye turabagezaho Ubwoko 5 bw’indabyo bwagufasha kuvuga ikiri ku mutima wawe.

Indabyo ni kimwe mu bimera bishobora kwimeza cyangwa se guhingwa bitewe n’impamvu zitandukanye zirimo iziri karemano cyanga iza muntu. Ni kimwe mu bimera bikundwa n’abantu batandukanye kubera ubwiza bwazo cyane cyane ab’igitsina gore.

Benshi mu baganiriye na GENESISBIZZ, bayihamirije uko biyumva babonye indabyo n’icyo bazibonamo kuko kuri benshi bemezako ari ingirakamaro mu buzima bwabo.
Nadine Niyiturinze avuga ko iyo ahawe indabyo, yumvako uzimuhaye amuhoza ku mutima.

Yagize ati “Kubona indabyo gusa mpita mbona urukundo nkumva ndanezerewe. Nkunda indabyo zitukura, umuhondo ndetse n’indabyo za Pink zivanze n’iz’umweru.”

Gasirabo Roseline we ahamya ko kureba indabyo bimuha amahoro ndetse n’ikizere. Naho Nyiransabimana Marie Louise we, avuga ko indabyo kuri we zisobanura ibyishimo, umunezero, urukundo, isuku, urwibutso ndetse ukaba n’umutako.

Bimwe mu bisobanuro byamabara y’indabyo abantu bakunze gukoresha kenshi.

Indabyo z’umutuku bakunze kwita (red roses): izi ndabyo ni zimwe muzikunzwe cyane kuruta izindi ariko ukurikije ibisobanuro byazo usanga bikwiriye kuko zikora ku marangamutima ya muntu. Indabyo z’umutuku ziri mu bwoko bwa (RED ROSES) bavuga ko ubu bwoko bw’indabyo bukora ku marangamutima ya muntu (fellings) bugasobanura urukundo rw’ukuri( true love) kandi rukaba rwanakoreshwa mu gusobanura ikifuzo (desire)ufite kuri mugenzi wawe ariko bijyanye n’urukundo cyangwa umusaba ubushuti.

Indabyo z’umuhondo (yellow roses): Izi ndabyo zigaragaza ndetse zikerekana ibyishimo (happiness) ndetse n’umunezero (joy) kandi ni zimwe mu ndabyo wakwifashisha cyane ushaka kwerekana ubushuti (friendship) ufitiye mugenzi wawe bakavuga ko ari indabyo zaba zitanga amahirwe yo kwirirwa unezerewe.

Indabyo zibara rya roza (pink roses): Izi nazo ziri mu bwoko bwenda kwegerana n’indabyo z’umutuku kuko nazo zikunzwe cyane cyane n’igitsina gore bazwiho kugira urukundo rwinshi. Izi ndabyo zisobanura urukundo (love), zikaba zikunze gutangwa ku munsi w’abagore, cyangwa ukaba waziha umubyeyi umaze kubyara umwereka ko mwishimiye umwana y’abyaye.

Indabyo z’umweru (white roses): Ubu bwoko bw’indabyo ni bumwe mu busobanura Umuco. Zikaba zikunzwe gukoreshwa mu bukwe (weddings) ndetse n’ahantu bagize ibyago cyangwa kwibuka ibihe bibi byaba byarabayeho (memorial). Ubu bwoko bw’indabyo bukaba busobanura kwera (purity) ndetse n’ubuziranenge (innocence).


Indabyo za move (puple roses): Ubu bwoko bw’indabyo ntibukunze kuboneka ahantu henshi ariko kandi bukagira ubusobanuro bwiza, bakavuga ko izi ndabyo zitera amahirwe (success) zikaba ari indabyo zikunzwe gutegurwa ahantu hari abayobozi, cyangwa abantu bubashywe.

Mubushakashatsi bwakozwe na Shannon o’Connor avuga ko igitsina gore mu buryo kiremwemo gikunda indabyo kuko zikora ku marangamutima yabo.

Ushobora no kuvanga aya mabara y’indabyo mu gihe wifuza gukora uruvange rwazo ndetse bihuye n’ibyo wakwifuza kubwira uwo uri buzihe.

Ubu bwoko bw’indabyo twakubwira ko ushobora kubuhinga ukoresheje umurama wazo kuri buri bwoko.

Inkuru ya NIRAGIRE Marie France

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO