Ibiciro byo gushaka Licence z’ubutoza byahanitswe

Ishyirahamwe ry’Umupira w’Amaguru mu Rwanda (FERWAFA) ryashyize hanze ibiciro byo kwiyandikisha mu mahugurwa yo gushaka ibyangombwa by’ubutoza (Licence ) A,B ndetse na C zitangwa na CAF.

Mu itangazo ry’iri shyirahamwe, FERWAFA, yavuze ko uwifuza wese gukora amahugurwa yo gutoza ko habaye impinduka mu myigire ndetse n’imigendekere yayo bityo ko ibiciro byo kwiyandikisha byazamutse.

Kuri ubu ushaka guhugurwa akeneye Uruhushya rwo gutoza rwa C, rwitwa Licence C itangwa na CAF, azajya yiyandikisha atanze ibihumbi 150,000, ushaka Licence B atange ibihumbi 400,000 naho ushaka Licence A atange ibihumbi 700,000.

Igihe aya mahugurwa azatangirira ntabwo kiramenyekana, kuko iri shyirahamwe ry’Umupira w’Amaguru mu Rwanda, ryatangaje ko rizamenyesha abifuza kuzikorera nyuma.

Impuzamashyirahamwe y’Umupira w’Amaguru ku mugabane w’Afurika CAF riherutse guha uburenganzira amashyirahamwe y’imikino yose yo muri Afurika gutegura aya mahugurwa afasha abatoza gukora umwuga wabo kinyamwuga.

Kuva mu mwaka w’imikino wa 2019/2020, mu Rwanda FERWAFA yatanze itegeko ko nta mutoza wemerewe gutoza muri shampiyona y’ikiciro cya mbere byibura adafite uruhushya rwa Licence B rw’ubutoza.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO