Indirimbo Alpha Rwirangira yakoreye umugore yayihaye n’abafana

Umuhanzi Alpha Rwirangira yasohoye indirimbo nshya yise “Juliet” yandikiye umugore we Umuziranenge Liliane aho aba amubwira ko aho azajya nawe ariho azajya.

Uyu muhanzi uri mu bubatse izina muri Afurika y’Iburasirazuba yakoze ubukwe na Umuziranenge taliki ya 22 Kanama 2020 bubera muri Canada ari naho batuye bombi.

Muri iyi ndirimbo atangira avuga ko akari ku mutima kasesekaye ku munwa kuko umutima we wuzuye ibyishimo kandi byanamurenze.

Ati “Iyi ndirimbo ni iyawe ndagukunda kugeza aho ndwara mukobwa wa mabukwe si ukubeshya usa na bike ubu ibyanjye nibyo byanjye, kabe gato cyangwa kanini tuzakagabane kandi aho uzajya niho nanjye nzajya.”

Mu kiganiro yagiranya n’ikinyamakuru cya Inyarwanda yavuze ko yahisemo gusohora iyi ndirimbo yakoreye umugore we kugira ngo abafana be n’abo bayifashishe mugushimisha abakunzi babo.

Ati “Ni indirimbo nandikiye umugore wanjye. Nyimuririmbira ku munsi w’ubukwe. Ubu nyisohoreye abafana kugirango nabo bayiture abakunzi babo.”

Reba indirimbo yakoreye umugore we

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO