Ikinyamakuru cyo mu Bwongereza cyashyize indirimbo ya Ish Kevin mu zikunzwe

Indirimbo No Cap y’umuhanzi Nyarwanda Ish Kevin yatowe ku mwanya wa karindwi mu ndirimbo zakunzwe ku gitangazamakuru cyo mu Bwongereza. Bimutera kwishimira iterambere rye.

Ubuyobozi bw’ ikinyamakuru GRM Daily cyo mu Bwongereza giha umwanya munini umuziki w’abafite inkomoko ku birabura babinyujije ku mbuga nkorambaga. Bemeza ko indirimbo y’umuhanzi nyarwanda Ish kevin yise No Cap ariyo yegukanye umwanya wa karindwi mu zakunzwe ku kinyamakuru cyabo.

Uyu muhanzi akimara kubona ko indirimbo ye iri muri zirindwi zifite injyana ya Drill zikunzwe cyane n’urubyiruko yagize icyo atangaza kuri iyo ntsinzi.

Yagize ati ”Ndishimye cyane kuba indirimbo yanjye bayihisemo mu ndirimbo zirindwi zikunzwe mu rwego mpuzamahanga n’iby’agaciro gakomeye ku muziki wanjye ndetse muri rusange ku muziki nyarwanda."

Yakome agira ati "Ndizera ko uko bizagenda kose umuziki nyarwanda uzagera kure."

Yasoje asaba abahanzi bose mu Rwanda gutahiriza umugozi umwe kuko nibafatanya muzika nyarwanda izagera kure hashoboka mu ruhando mpuzamahanga.

Indirimbo No cap ya Ish kevin yagiye hanze ku itariki 27 Kamena 2021 yakozwe na Pro Zed naho amashusho atunganywa na Eazy Cuts ikaba yarakorewe mu bice bimwe by’umujyi wa Kigali, Kugeza ubu iyi ndirimbo imaze kurebwa n’abasaga ibihumbi 530 kuri youtube.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO