Ingengabihe ya Miss Rwanda 2021

Abategura irushanwa rya Miss Rwanda, ’Rwanda Inspiration Back Up’ batangaje amatariki ajyanye n’igikorwa cy’amajonjora mu irushanwa rya Miss Rwanda 2020, n’uburyo iri rushanwa rizakurikiranwa.

Nkuko byatangajwe mbere iri rushanwa rizaba hakoreshejwe uburyo bw’ikoranabuhanga aho buri mukobwa wese azajya yifata amashusho ubundi akayohereza.

Nimwiza Meghan yavuze ko hamaze kwiyandikisha abakobwa Magana ane (400). Abo bakobwa bose bahawe ibibazo kugirango bazifate amashusho ubundi bayohereze. Ibibazo bahawe birasa ariko bazahitamo ukomeza bitewe n’urubyo bagiye basubizamo.

Amajonjora y’ibanze biteganyijwe ko azatangira taliki ya 13 asozwe kuri 19 Gashyantare 2021.

Taliki ya 20 Gashyantare nibwo hazatangazwa amazina y’abakobwa babashije gukomeza. Iki gikorwa kizanyura imbonankubone kuri Televiziyo Rwanda.

Abakobwa bazaba bakomeje bazahita bajya kuri Hotel iberampo umwiherero ya La Parisse I Nyamata.

Meghan avuga ko buri mukobwa mbere yo kuza aho azabanzwa agapimwa icyorezo cya Covid-19 kugirango hatazagira uzana iyo ndwara akaba yakwanduza bagenzi be.
Taliki ya 3 Werurwe hazabaho ‘Pre-Selection’ hatorwe abakobwa bazagera mu cyiciro cya nyuma.

Abo bazagera mu cyiciro cya nyuma bazatangira umwiherero wihariye bahabwa n’inyigisho zitandukanye taliki ya 7 isozwe kuya 20 Werurwe.

Taliki ya 20 Werurwe nibwo hazabaho final y’irushanwa hatangazwe umukobwa uzaba Miss Rwanda 2021. Iki gikorwa kizanyura kuri Televiziyo Rwanda hamwe n’urubuga rwa You Tube rwa Miss Rwanda.


Gahunda ya Miss Rwanda n’amataliki izaberaho

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO