Intambara y’amagambo yashinze imizi hagati ya Papa cyangwe na Kivumbi King Ese ni nde wigiza nkana?

Haravugwa intambara y’amagambo yiganjemo n’ibitutsi hagati ya Papa Cyangwe na Kivumbi King ndetse kugeza ubu aba bombi ntabwo barerura ngo bavuge icyo bapfa cyangwa intandaro nyamukuru yateye ibi byose.

Ubwo yaganiraga n’itangazamakuru Papa cyangwe yatangaje ko nta kintu na kimwe apfa na Kivumbi King gusa ahamya ko bose bari muri Business ndetse ubwo yabazwaga niba uburyo yasubije Kivumbi mu magambo mabi niba abona bitagira ingaruka ku buryo abantu bamufatamo.

Papa cyangwe yahise atangaza ko ingaruka zigomba kubaho byanze bikunze gusa nawe yavuze ko byose yabikoze mu rwego rwo kwihesha agaciro no kugirango agaragarize abantu ko ashotowe aho yavuze ko ahora ari nk’intare itegereza ko bayishotora kugirango ihaguruke.

Uyu muhanzi Papa cyangwe avuga ko yababajwe n’uburyo Kivumbi King yamusuzuguye maze nawe ahitamo kumusubiza ndetse akoresha n’amagambo mabi kandi akakaye yiganjemo ukuri kwinshi harimo n’ibitutsi nyandagazi.

Kivumbi King niwe watangije intambara y’amagambo abinyujije ku mbuga nkoranyambaga ze ndetse atangira yibasira abaraperi ariko yibasiramo cyane Papa Cyangwe aho yavuze ko uyu muhanzi ngo asigaye yigira nk’uwagezeyo ariko ngo akirengagiza ko akiri hasi ntaho aragera.

Kugeza ubu hari abahanzi basigaye bakoresha ubu buryo kugirango bavugwe cyanwe mu itangazamakuru ndetse kugeza ubu kuba aba bombi batukanye ndetse bagaterana amagambo nta mpamvu bamwe batangiye gukeka ko aba bombi baba bahisemo ubu buryo kugirango bamamare birenze biciye mu itangazamakuru.


Ese Papa Cyangwe na Kivumbi King barapfa iki?? ese ninde waba arimo kwigiza nkana??

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO

To show your avatar with your message, register it first on gravatar.com (free et painless) and don’t forget to indicate your Email addresse here.