Intego za Methuselah wiyemeje gukundisha Abanyarwanda igicurangisho cya Clarinet na Saxophone

Umunyempano Mbonimpa Methuselah ukoresha amazina ya Methuselah Sax Water ni umwe mu basore bize umuziki ku Nyundo, avuga ko intego ye ari ugukundisha Abanyarwanda ibikoresho by’umuziki bitamenyerewe birimo Saxophone na Clarinet.

Uyu musore ugaragara nk’umuhanga muri muzika kubera ibikorwa bye mu kiganiro yagiranye na Genesisbizz/Tv yatangaje byinshi ku bijyanye n’ubuzima bwe bwite ndetse naho akomora impano yo gucurangisha byinshi mu bikoresho bigezweho muri muzika.

Methuselah Sax Water yadutangarije ko yavutse mu mwaka wa 1992 avuka mu muryango ukomokamo abahanzi n’abaririmbyi ndetse n’abacuranzi aho Se umubyara acuranga Guitare mu rusengero naho Nyina akaba umuririmbyi muri Korali.

Uyu musore w’ijwi ryuje ubuhanga nyuma yo kutubwira ku bijyane n’ubuzima bwe yahise adushishurira ibijyane na muzika yimariyemo, adutangariza ko mu mwaka wa 2016 aribwo yasoje amasomo ye mu bijyanye no gucuranga mu ishuri rya Muzika rimaze kubaka benshi mu bahanzi turi kubona ubu rya Nyundo riyoborwa na Mighty Popo aho yize ibjyanye no kuririmba, kwandika indirimbo, Gutegura Melodies, Gucuranga Guitar, Saxophone ,Clarinet bimwe mu bikoresho ngo yifuza guteza imbere mu bahanzi nyarwanda bakiga uko babikoresha .

Methuselah ukora injyana Afro jazz, Pop yadutangarije kandi ko kugeza ubu kuva yakwinjira mu muziki amaze gukora indirimbo 11 zose z’umwimerere ziganjemo bimwe muri bya bikoresho yatubwiye akunda cyane hejuru muri izo ndirimbo zose harimo 3 yashyize hanze muri iki cyumweru mu buryo bwa Ep. Muri izo ndirimbo harimo imwe yatiriye iyo Ep ikaba inafite amashusho meza cyane yararikira abakunzi be kureba.

Mu gusoza Methuselah Sax Water yavuze ko afite inzozi zo kuzaba umuhanzi ukomeye hano mu Rwanda ndetse no mu mahanga ariko byose kugira ngo abigereho ni uko Abanyarwanda bazabigiramo uruhare kugira amenyekanshe igihugu cye mu mahanga.


Aha yacurangaga igikoresho cya muzika cyitwa Clarinet


Methuselah ni umwe mu bize umuziki ku Nyundo

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO