Intego za Mugisha Samuel wageze mu ikipe nshya yo mu Bufaransa

Mugisha Samuel usiganwa ku magare aherutse kwerekeza mu gihugu cy’u Bufaransa mu ikipe nshya yitwa LMP - La Roche sur Yon, yatangaje ko yagezeyo amahoro ndetse ko ari kumenyera yiteguye no gutangira gufasha ikipe ye mu mikino iteganyijwe kuba mu ri icyo gihugu.

Ku wa Gatandatu w’icyumweru gishize nibwo uyu musore yafashe rutema ikirere yerekeza mu Bufaransa mu ikipe nshya yitwa LMP - La Roche sur Yon, isanzwe ibarizwa mu kiciro cya kabiri.

Mu kiganiro yagiranye na Genesis Tv, Mugisha yavuze ko amaze kumenyera ndetse ko yiteguye kwitwara neza. Ati: “Urugendo rwagenze neza ntakibazo nahuye nacyo, nageze mu Bufaransa amahoro, kandi nabyakiriye neza kuba narahabonye ikipe ndabishimira Imana.”

Mugisha Samuel avuga ko itandukaniro rihari na Dimension Data yahoze akinira mu Butariyani avuga ko ikipe agiye gukinira ari ikipe nkuru kandi ko aramutse yitwaye neza yagera mu kiciro cya mnbere.

Mugisha Smuel avuga ko intego afite muri uyu mwaka ndetse no mu ikipe ye aruko azakora ibishoboka byose kugira ngo abone indi kipe nziza ikina amarushanwa makuru ku rwego mpuzamahanga.

Ati: “Itandukaniro riri hagati ya Dimension Data nahoze nkinira nuko yari ikipe y’ingimbi ya Dimension Data nkuru. Iyi nayo ntabwo izajya ikina amarushanwa menshi ya UCI hari ayo tuzajya dukina, hari nayo tutazajya dukina. Navuga ko ibyo bitazambuza amahirwe yo kubona ikipe izajya mu kiciro cya mbere izajya iyakina yose, kandi ninayo ntego yanjye najyanye.”

Samuel Mugisha yatwaye irushanwa rya Tour du Rwanda 2018Mu mpera za 2019 ni bwo Samuel Mugisha yashyize umukono ku masezerano y’umwaka yo gukinira ikipe ya LMP - La Roche sur Yon aho uyu muhango wari wabereye mu Rwanda muri Hiltop Hotel ari kumwe na mugenzi we Mugisha Moise bitakundiye we utazajya gukina muri iyi kipe.

Mugisha Samuel ari gusinya amasezerano na LMP - La Roche sur Yon yamuguze

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO