Intego za Nadia Umutoniwase wifuza kwegukana ikamba rya Miss Global Beauty Rwanda

Mu ntangiriro z’iki cyumweru nibwo ikigo Embrace Africa cyashyize hanze urutonde rw’abakobwa 33 bagomba gutoranywamo batatu mu irushanwa rya Miss Global Beauty Rwanda.

Nkuko byatangajwe na Ndekwe Paulette wabaye igisonga cya kane cya Miss Global World mu 2020 uri mu bahagarariye sosiyete ya Embrace Africa mu Rwanda yavuze ko muri uyu mwaka batari biteze umubare munini w’abakobwa baziyandikisha ariko batunguwe no kubona umubare munini w’abakobwa biyandikishije kugeza ubwo batoranyijemo batatu gusa bazahagararia u Rwanda muri ayo marushanwa uyu mwaka wa 2021.

Muri abo bakobwa Genesisbizz/Tv yagiranye ikiganiro n’umwe muri bo witwa Umutoniwase Nadia umaze kumeneyekana cyane mu ruganda rwa sinema aho akina amuri filime ’Umuturanyi’ adutangariza inzozi afite zo kwegukana irushanwa rya Miss Global Beauty Rwanda 2021.

Uyu mukonbwa utarigeze yitabira irushanwa na rimwe ry’ubwiza yashimangiye ko nyuma yo kubona ko impano yo gukina filime yayibyaje umusaruro yasanze agomba no kwigirira icyizere akajya guhatana mu marushanwa y’ubwiza.

Ati "Ndumva nta kabuza nzegukana iri rushanwa."

Abajijwe icyo byamumarira aramutse aryegukanye yavuze ko ikintu cya mbere yakora ari ukumenyekanisha u Rwanda mu ruhando mpuzamahanga ikindi n’uko byazamufasha gukomeza guteza imbere impano ikava kuba iyo mu rugo ahubwo ikamenyekana kw’si hose.

Mu gusoza Nadia Umutoniwase yasabye abanyarwanda bose muri rusange aho bava bakagera ko bamuha amahirwe bakamutora kugira ngo arebe ko inzozi ze yazikabya akabasha kuba yakwegukana iryo kamba abifuza ku mutora banyura ku rubuga rwa https://mni.rw/CompetitionVote/313

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO