Inzu ndangamuco y’u Rwanda n’Ubufaransa bayigeze kure yubakwa

Bamwe mu Banyarwanda baribuka inzu yabaga mu mujyi rwagati yari izwi nka “Centre D’Echanges Culturels Franco-Rwandais” iruhande rwa rond-point nini yo mu Mujyi wa Kigali yaje gusenywa. Ubu indi nshya yasojwe kubakwa no kuyitaha si kera.

Abantu benshi bagiye bibaza aho umushinga wo kongera kubaka icyo kigo ndangamuco waheze gusa kugeza ubu ikimaze kumenyekana ni uko imirimo yo kubaka inzu zizakorerwamo n’icyo kigo cy’Abafaransa igeze kure nkuko ambasade y’abafaransa yabitanje.

Mu gitondo cyo kuri uyu munsi babinyujije ku rubuga rwabo rwa Twitter bagize bati “Umukozi muri ambasade yacu hano I Kigal Bwana Jérémie Blin yasuye ahari kubakwa Ikigo Ndangamuco cya Francophonie mu Rwanda.”

Bwana Jérémie Blin nyuma yo gutemberezwa ahari gukorerwa iyo mirimo yo kubaka iyo nyubako yatangaje ko bishimira aho imirimo yo kubaka iyo nyubako igeze bakaba bizeye ko mu minsi ya vuba bazatangira gukoreramo.

Iki kigo cyubatswe mu murege wa Kimuhurura mu karere ka Gasabo kizaba kigizwe n’inyubako ebyiri hari izaba ikorerwamo n’ubuyobozi bwacyo ndetse n’indi izakorerwamo ibijyanye n’Indimi. Ikindi ni ahazajya hakorerwa imurikabikorwa bishingiye ku muco, inama ndetse n’ibijyanye n’itangazamakuru.

Tubibutse ko u Rwanda ruri mu bihugu bigize umuryango wa La Francophonie, kuva mu 1970 ndetse kuri ubu Umunyarwandakazi Mushikiwabo Louise ari nawe munyamabanga mukuru ku rwego rw’Isi.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO