Irebere itandukaniro ry’inzu zibamo abakuru b’ibihugu bitandukanye - AMAFOTO

Umukuru w’igihugu ni umuntu uba ukomeye cyane ndetse ni umuntu urindirwa umutekano ku rwego rwo hejuru. Iyi niyo mpamvu usanga bamwe baba mu nzu z’imitamenwa zidashobora gutoborwa n’amasasu abandi bakaba ahantu hatemerewe kunyurwa n’abandi bantu ku buryo n’indege zitaca hejuru y’amazu yabo mu rwego rwo kubarindira umutekano kuko ari abantu bakomeye cyane.

Muri iyi nkuru tugiye kugaruka ku nzu zituwemo n’abakuru b’ibihugu bitandukanye ku isi ndetse uraza gutungurwa no kubona izina ry’inzu y’umukuru w’igihugu cya Koreya y’epfo rihura n’inzu y’umukuru w’igihugu cya leta zunze ubumwe za Amerika.

1. Rashtrapati Bhavan

Rashtrapati Bhavan ni inzu y’umukuru w’igihugu cy’Ubuhinde, Iyi nzu iherereye mu murwa mukuru w’Ubuhinde New Delhi.

Iyi nzu yubatswe mu mwaka wa 1929 ndetse yaturwagamo n’abategetsi b’Ubuhinde gusa kuva icyo gihe.

Iyi nzu igizwe n’amagorofa ane, ikagira ibyumba 340, ikagira korodoro ireshya n’ibirometero 2.5 n’ubusitani bugari cyane.


Inzu y’umukuru w’igihugu cy’Ubuhinde.

2. Kremlin

Kremlin ni inzu icumbikira perezida w’Uburusiya, Iyi nzu yubatswe mu mwaka wa 1156 ku musozi wa Borovitsky.

Iyi nzu yagiye ivugururwa inshuro nyinshi, aha twavuga nk’amavugururwa yakozwe hagati y’umwaka wa 1367-1368 aho yongeweho amabuye y’umweru mu gice cyayo cy’imbere.

Iyi nzu ifite metero 125 z’uburebure, ikareshya na metero 47 z’ubuhagarike, ikagira ibyumba bisaga 700, ikaba iri ku buso bwa metero kare 25,000.


Inzu y’umukuru w’igihugu cy’Uburusiya.

3. Élysée Palace

Ingoro ya Élysée ni inzu icumbikira umukuru w’igihugu cy’Ubufaransa.

Iyi nzu yubatswe hagati y’umwaka wa 1785-1787. Mu mwaka wa 1994 nibwo byemejwe bwa mbere ko iyi nzu igomba kujya iturwamo n’umukuru w’igihugu cy’Ubufaransa.

Iyi nzu igizwe n’amagorofa atatu (3) ikagira ibyumba 365.


Inzu y’umukuru w’igihugu cy’Ubufaransa.

4. Mahlamba Ndlopfu

Mahlamba Ndlopfu ni inzu nanone imenyerewe ku izina Libertas.

Iyi nzu niyo iturwamo n’umukuru w’igihugu cya Afurika y’epfo kuva mu mwaka wa 1940.

Inzu y’umukuru w’igihugu cya Afurika y’epfo.

5. White House

White House ni inzu ibamo umukuru w’igihugu cya leta zunze ubumwe za Amerika.

Iyi nzu yubatswe mu mwaka wa 1791 yubatswe na perezida wa mbere wa leta zunze ubumwe za Amerika, George Washington.

Iyi nzu igizwe n’amagorofa atandatu (6) , ikagira ibyumba 132, ubwogero 35, ikagira igikoni gishobora gutegura amafunguro y’abantu 140.

Inzu y’umukuru w’igihugu cya leta zunze ubumwe za Amerika.

6. Blue House

Blue House ni inzu ibamo umukuru w’igihugu cya Koreya y’epfo.
Imishinga yo kubaka iyi nzu yatangiye ku itariki 22 Nyakanga 1989 isozwa kubakwa tariki 4 Nzeri 1991.

Iyi nzu Blue House igizwe n’amagorofa abiri (2).

Iyi nzu Blue House ugenekereje mu Kinyarwanda wayita Inzu y’ubururu ndetse yumvikana ko isa n’ihuje izina na White House (Inzu y’umweru) icumbikira umukuru w’igihugu cya leta zunze ubumwe za Amerika yubatswe mu 1791.


Inzu y’umukuru w’igihugu cya Koreya y’epfo.

Icyo izi nzu zombi zitandukaniraho ni uko imwe bayise umweru indi ikaba ubururu, Iyi nzu Blue House bayita ubururu bitewe n’igisenge cyayo cyiganjemo amabara y’ubururu cyane, Naho White House ikitwa inzu y’umweru bitewe n’uko isa umweru hose.


Blue House (ibumoso) White House (iburyo)

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO