Irushanwa ry’umuziki rya Head’s Up ryigijwe inyuma

Mu irushanwa rya Head’s Up music Competition hari hasigayemo abanyempano icumi ari nabo bari mu cyiciro cya nyuma cyagombaga kuba taliki ya 25 Ukuboza 2020 ariko kugeza ubu bikaba byasubitswe bitewe n’ingamba nshya zashyizweho mu rwego rwo kwirinda Covid-19.

Kimwe mu byemezo byafatiwe mu nama y’Abaminisitiri, harimo no guhagarika ibirori byose birimo ibibera mu ngo ndetse n’ahandi. Uyu mwanzuro waje kugira ingaruka kuri bamwe mu bari barateguye ibitaramo byari kuba mu mpera z’uyu mwaka.

Mu minsi yashize byasaga nkaho ibintu byatangiye koroshywa ariko kubera ubwiyongere bw’abanduye Covid-19 byatumye hafatwa ingamba zo gukumira ibirori muri rusange.

Bamwe mu bari barateguye ibyo birori bagiye batangaza ko bisubitswe. Muri ibyo harimo n’irushanwa rya Head’s Up ryanyuraga kuri Televiziyo ya Genesis.

Niragire Marie France, umuyobozi wa Genesis Tv yateguye iri rushanwa yavuze ko nabo basubitse iryo rushanwa kubera amabwiriza mashya.

Ati “Ntawe twabaye dusubitse iri rushanwa ryagombaga gusozwa taliki ya 25 Ukuboza gusa rizasubukurwa tumaze kumenya ingamba nshya zemerera ibirori kongera gukorwa.”

Abanyempano bahatanye bose uko ari icumi ubu barakomeza gutorwa nkuko bisanzwe gusa amatora nayo akaba azarangira mu ijoro ryo kuya 25 Ukuboza 2020 saa sita z’ijoro.

Abanyempano icumi bageze kuri final y’irushanwa rya Head’s up

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO