Iryavuzwe riratashye Manchester City ikomeje kwesa imihigo nyuma yo kugura Erling Haaland

Ikipe ya Manchester City iguze uyu mukinnyi nyuma yuko yifuza gukomeza kubaka ikipe ihamye aho yifuza gutwara igikombe gikomeye cya Champions League.

Abasesenguzi benshi bakomeje gutangaza ko ikipe ya Manchester City ikeneye umukinnyi ushaka ibitego dore ko nyuma yo kugenda kwa Sergio Aguero byagaragaye ko iyi kipe itabonye umusimbura we uhamye.

Mu itangazo ryasohowe n’ikipe ya Manchester City kuri uyu wa kabiri iyi kipe yagize iti "Ikipe ya Manchester City iremeza ko twumvikanyeho na Borussia Dortmund mu bijyanye no kugura rutahizamu Erling Haaland uzagera mu ikipe ku ya 1 Nyakanga 2022.

Mu cyumweru gishize nibwo byatangajwe ko Erling Haaland yamenyesheje Borussia Dortmund ko azajya mu yindi kipe shampiyona irangiye.

Umuyobozi mukuru wa Manchester City, Ferran Soriano, yamenyesheje umuyobozi wa BVB Hans-Joachim Watzke mu cyumweru gishize ko City yiteguye kwishyura amafaranga yemejwe yo kurekura uyu mukinnyi ariyo miliyoni 75 z’amayero [ € 75 M].

Nkuko byemejwe, ikipe ya Manchester City yamaze kwishyura aka kayabo ndetse umushahara wa miliyoni 30 z’amayero niwo uzajya uhabwa uyu rutahizamu mu myaka 5 azayikinira

Haaland yatsinze ibitego 85 mu mikino 88 yakiniye Dortmund kuva yayinjiramo avuye muri RB Salzburg muri Mutarama 2020.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO