Ishusho Ltd yatashywe ku mugaragaro ishimirwa ibikorwa byayo (Amafoto)

Tariki ya 19 Ugushyingo 2021 nibwo ikigo ishusho limited gifasha abahanzi cyatashywe ku mugaragaro nyuma y’amezi ane kibonye umuyobozi mushya uzwi nka Muyoboke Alexis .

Uyu muhango watangiye ahagana I saa kumi z’umugoroba ukayoborwa n’umunyamakuru Basile wa RBA wari witabiriwe n’abantu benshi biganjemo abazwi mu ruganda rw’imyidagaduro biganjemo abanyamakuru abahanzi ndetse n’’inshuti zabo .
Mu ijambo rye Bwana Karangwa Martin washinze Ishusho Ltd yavuze ko bajya kuyitekereza bari bagamije guteza imbere uruganda rw’imyidagaduro ndetse bagiye gutangira ibikorwa birimo guhugura no kwigisha abanyempano.
Ati "Tugiye gutangira gutegura amarushanwa, kwigisha no guhugura abanyempano muri uru ruganda."

Umushyitsi Mukuru Depite Kamanzi Erneste uhagarariye urubyiruko mu Nteko Ishinga Amategeko, yashimiye abatekereje gushinga Ishusho Ltd hagamijwe guteza imbere impano z’Abanyarwanda.

Ati "Hari ibikorwa byinshi batweretse byajyaga bituma tujya kubishaka mu bindi bihugu nka Tanzania, Uganda n’ahandi. Ni igikorwa cyiza kuba abanyempano bacu batazongera kujya mu mahanga gushaka ibyo bikorwa ahubwo bakajya babibonera hano iwacu."

Yakomeje agira ati "Ni intambwe nziza kubifuza kuzamura ibikorwa byabo mu Rwanda yaba ahanzi n’abandi banyempano batandukanye. Turashishikariza benshi kujya bitabira gukora ibikorwa nk’ibi bigamije guteza imbere impano z’Abanyarwanda."

Umuhanzi Yvan Buravan na Alyn Sano bari bitabiriye uwo muhango batangarije Genesisbizz ko ari iby’agaciro cyane kuba babonye ikingo nk’ishusho kuko kizabafasha guteza imbere ibihangano nyarwanda kandi bizera ko nta zindi mvune bazahura nazo mu gihe ishusho ltd ihari

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO