Isimbi Alliance agiye kwerekana film ivuga ku buzima bwe izacuruzwa kuri NOLLYFLIX

Umukinnyi wa Filime Nyarwanda warumaze iminsi ari gukorera muri Nigeria Isimbi Alliance agiye gushyira hanze Filime yise “Alliah” aho inkuru yayo 80% izaba yibanda ku buzima bwe.

Isimbi yamenyekanye muri Sinema ubwo yakinaga muri Filime ‘Rwasa’ akoresha amazina ya Nelly.

Nyuma yo kugaragara mu z’abandi akaza no kubengukwa muri sinema yo muri Nigeria ubu nawe agiye kumurika iye ku mugaragaro “Igikorwa kizaba taliki ya 12 Nzeri kibere kuri Canal Olympia.”

Iyo filime azerekana yitwa Alliah yatangiye kuyikoraho muri 2020. Avuga ko inkuru y’iyo filime ivuga ku buzima bwe.

Ati “Ni filime yerekeranye n’ubuzima bwanjye, kuba narayikoze igihe kinini ni ukugirango izaze yujuje ibisabwa byose kugirango izahatane mu ruhando mpuzamahanga.”

Akomeza avuga ko muri iyi minsi abantu benshi mu Rwanda bakora filime bagamije kuzishyira kuri You tube gusa we ngo ntabwo ariko bimeze.

Ati “Ni filime umuntu azareba akabona ko yateguwe kinyamwuga.”

Iyi filime ye avuga ko izabanza gucuruzwa ku rubuga rwa Nollyflix rwo muri Nigeria ariko ku Banyarwanda ikazerekanwa muri Sinema zabugenewe.

Ikindi ni uko izaba iri mu rurimi rw’ikinyarwanda ariko hasi bakazajya bashyiraho amagambo yo mu cyongereza (Subtitles) kugirango n’abanyamahanga babashe gusobanukirwa.


Alliance Isimbi avuga ko iyo filime ibyiganjemo ari ubuzima bwe

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO