Itsinda rya Sauti Art Rwanda rirashishikariza urubyiruko kwirinda abafite ingengabitekerezo ya Jenoside

Sauti Art Rwanda n’itsinda rigizwe n’urubyiruko mu ngeri zose rufite impano zitandukanye aharimo kubyina, kuvuga imivugo, gukina amakinamico n’ibindi byinshi, urubyiruko rugize iri tsinda rwiyemeje gushishikariza bagenzi barwo kurwanya no kwirinda abantu bafite ingengabitekerezo ya Jenoside ndetse n’abafobya Jenoside yakorewe Abatutsi muri mata 1994.

Ibi twabitangarijwe n’Umuyobozi wa Sauti Art Rwanda Simubara Jean Damascene avuga aho igitekerezo cyo gushinga itsinda rya Sauti Art Rwanda Rwanda cyavuye n’icyatumye barishinga.

Yagize ati "itsinda Sauti Art Rwanda ryashinzwe bivuye kuri club yitwa World Mission Never nabwo nayo ikaba yari yaratangiye nyuma ya Jenoside yakorewe Abatutsi muri 1994 ubwo bari muri AERG yakoreraga mu kigo cy’ishuri cyitwa World Mission giherereye mu murenge wa Kinyinya , mu Karere ka Gasabo."

Yakomeje atubwira ko ubwo bigaga mu mashuri yisumbuyebagiye bahura mu buryo bwo kuganira n’urubyiruko uko bakwirinda ikintu cyose cyazatuma hatazongera kubaho Jenoside yakorewe Abatutsi mu 1994 babifashijwemo n’ikigo cya Never Again Rwanda.

Simubara yatubwiye ko Never Again yabagiraga inama ku bijyanye n’amateka y’u Rwanda mabi nk’urubyiruko bagasangira ibitekerezo kugeza ubwo batangiye kujya mu buzima busanzwe, bongeye kubyutsa umushinga wabo wo gushaka icyabateza imbere.

Nibwo batangiye kwiga ibijyanye no gukina amakinamico, ubugeni ndetse no kuvuga imivugo mu buryo bashakaga uko bazajya batanga ubutumwa bwabo biciye mu nkuru z’ukuri ariko bo bakazikina niho haje kuva icyo gitekerezo nabo batangira kugenda babyigisha abandi bana bato.

Nyuma yo kunonosora umushinga wabo nibwo bashinze Sauti Art Rwanda bafite intego eshatu bagenderaho arizo:

- Kurwanda Jenoside
- Ubumwe n’Ubwiyunge
- Kwimakaza amahoro arambye

Izo ntego zatumye batangira kumenyekana cyane batangira kujya batumirwa mu bitarimo bitandukanye ndetse no mu mihango yo Kwibuka, aho babashije kujya batanga ubutumwa ku banyarwanda.

Yongeyeho ko kugeza ubu Sauti Art Rwanda Igizwe n’abana b’urubyiruko rwarokotse Jenoside yakorewe Abatutsi, Abafite imiryango yagize uruhare muri Jenoside ndetse n’abavuye hanze y’igihugu n’abandi.

Mu gusoza Uyu muyobozi yagize ubutumwa atanga ku rubyiruko muri iki gihe abanyarwanda bari mu minsi ijana yo kwibuka ku nshuro ya 27 Jenoside yakorewe Abatutsi muri 1994.

Ati “Rubyiruko nimumenye ko arimwe maboko y’ejo y’U Rwanda, mumenye ko aritwe mizero yarwo ,dufate ubumenyi dufite n’ubunararibonye dufite dukoreshe imbuga nkoranyambaga neza twereka abashaka gufobya no guhakana Jenoside, Twereka urubyiruko rugenzi rwacu rushukwa ku mateka y’igihugu cyabo. Duhaguruke dufashanye muri byose kuko bizatuma twibera mu gihugu kizira agahinda nkako twabonye muri Jenoside yakorewe Abatutsi muri 1994."

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO