Umukobwa aba umwe agatukisha bose itsinda rya Yacu Music ryacyebuye abavuga ko abaraperi banywa itabi

Itsinda rya Yacu Music ni itsinda rigizwe n’abaraperi batandukanye gusa mu kiganiro Access 250 gitambuka kuri Genesis Tv bahamije ko umuziki bakora utangirwamo ubutumwa bukomeye kandi bw’ingirakamaro banibutsa abantu ko atari buri muraperi wese unywa itabi

Ubwo abagize tsinda rya Yacu Music baganiraga na Genesisbizz batangiye babazwa icyo batekereza ku bantu bavuga ko abaraperi benshi banywa itabi kugirango babashe kuririmba.

Uwitwa Gold wa nyawe ugize Yacu Music yasubije agira ati" nibyo koko iyi mvugo ireze cyane mu bantu gusa icyo navuga ni uko umuntu wese agira imico ye ndetse baranavuga ngo umukobwa aba umwe agatukisha bose twebwe rero nka Yacu Music ntabwo ariko duteye ahubwo tugamije gutanga ubutumwa bufatika bufasha abantu kugira aho bava n’aho bagera.

Mu ijambo rikomeye kandi iri tsinda ryongeye guhamya ko umuziki ku baraperi benshi bawufafata nk’umuco ndetse bakanawufata nka kimwe mu bigize ubuzima bwabo ndetse ngo usanga iri ariryo tandukaniro riri hagati y’abaraperi n’abandi bahanzi baririmba izindi njyana.

Abagize itsinda rya Yacu Music bavuga ko ku myumvire y’abantu bumva ko injyana ya Hip Hop ikorwa n’ibirara bongeye guhamya ko ari imyumvire ishaje ahubwo ko buri muntu aba akwiye kumva ubutumwa butangirwa mu ndirimbo kuruta kuvuga kandi umuntu atabanje kumva ubutumwa bukubiye mu gihangano.

Mu butumwa kandi abagize Yacu Music bageneye abanyempano babibukije ko impano isaba kwihangana no kudacika intege bityo rero ngo umuntu wese akwiye gufata impano ye nka zahabu.


Genesisbizz

Related Articles

Ibitekerezo

  • - Ineza

    kbx mukomereze aho narabababonye mwakoze ikirori kyiza, turabashigike

Igitekerezo cyawe kirashyirwaho aruko gisusumwe

TANGA IGITEKEREZO