Iyahigaga yahiye ijanja ikipe ya Manchester United yakubitiwe ahareba i Nzega n’ikipe ya Atletico Madrid

Mu irushanwa riruta ayandi ku mugabane w’I Burayi ikipe ya Manchester United imaze gusezererwa n’ikipe ya Atletico Madrid yayisanze ku kibuga cyayo iyihatsindira igitego 1-0 bituma imikino yombi biba ibitego 2-1.

Ni umukino utunguye abantu benshi dore ko ikipe ya Manchester United ariyo yahabwaga amahirwe yo gutsinda uyu mukino dore ko yari mu rugo ku kibuga cyayo cya Old Trafford gusa ntibyabujije umutoza Diego Simeon n’abasore be kwambarira urugamba bagatsindira iyi ikipe ku kibuga cyayo.

Iri ryari ijoro ribi cyane ku ikipe y’amashitani atukura nkuko bakunze kuyita,aho kizigenza Cristiano Ronaldo nawe muri uyu mukino yari yibuze,nubwo mbere y’umukino uyu mukinnyi ukomoka mu gihugu cya Portugal yari yavuze amagambo akomeye kuri Instagram ye abwira bagenzi be ko ikibuga cya Old Trafford ari ahantu ho gukorera ibitangaza.

Igitego cya Atletico Madrid cyabonetse mu gice cya mbere aho umukinnyi Lenan Rodi yatsinze igitego cyiza cy’umutwe ku mupira wahinduwe neza mu rubuga rw’amahina bituma umunyezamu wa Manchester United David Degea ayoberwa aho umupira unyuze.

Mu gice cya kabiri ikipe ya Manchester United yakoze impinduka nyinshi mu gice cya kabiri cy’umukino gusa ikipe ya Atletico Madrid yakomeje kurinda igitego cyayo bituma umukino utangira utya Atletico Madrid ikomeza ku bitego 2-1 cya Manchester United mu mikino yombi.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO