Iyobokamana mu Rwanda mbere y’umwaduko w’abazungu

Abamisiyoneri bakigera mu Rwanda basanze Abanyarwanda bemera Imana nziza kandi yahanze byose. Ariko mu muco w’icyo gihe nta kintu na kimwe gihamya ko haba hari imihango yakorerwaga Imana, nta hantu, nta bintu, nta n’abantu baba bari bareguriwe iyo Mana.

Abandi bantu ahubwo ni bo bari biganje mu mihango y’Abanyarwanda: Guterekera abakurambere, kubandwa Ryangombe, kuyoboka Nyabingi, imihango yo kuraguza n’ibindi byinshi byari bigize imihango y’idini gakondo ry’Abanyarwanda.

Muri icyo gihe umwami yari afite ububasha bwose ku bantu ayobora ndetse no mu by’iyobokamana. Ubutegetsi bwe bwaturukaga ku Mana.

Mu mwaka wa 1912 ababatijwe muri Kiliziya Gatulika bari bamaze kurenga 6000. Hagati aho mu mwaka w’1907 Abaporoso nabo bashinze Misiyoni i Kilinda babifashijwemo n’abamisiyoneri b’Abaluteriyani baje gusimburwa n’Abaperesibiteriyani.

Umwami yuhi V Musinga wayoboraga u Rwanda muri icyo gihe ntabwo yumvikanye n’abazungu ku guhindurira abanyarwanda kuba abakirisitu kugeza ubwo akuwe ku ngoma hakimikwa umuhungu we Mutara III Rudahigwa wamaze imyaka cumi n’ine yiga inyigisho z’idini akabatizwa ku wa 17 Ukwakira 1943. Rudahigwa kandi yaje no kwegurira u Rwanda Kristo ku wa 27 Ukwakira 1946.

Mu gutegura iyi nkuru, hifashishije bumwe mu bubiko bw’amateka bukiriho cyane twibanda ku gitabo Amateka y’ubukirisitu mu Rwanda cyanditswe na Prof. Tharcisse Gatwa.

Mu nkuru yacu itaha tuzabagezaho byinshi ku iyaguka ry’ubukirisitu mu Rwanda nuko iyogezabutumwa ryagiye rigera mu bice bidandukanye by’igihugu.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO