Jada Pinkett Smith ntiyishimiye urushyi umugabo we yakubise Chris Rock

Jada Pinkett Smith ntabwo yishimiye urushyi umugabo we Will Smith yakubise umunyarwenya Chris Rock mu birori bya Oscar Awards 2022.

Nyuma y’ibyumweru bibiri icyamamare Will Smith akoze agashya agakubita urushyi umunyarwenya Chris Rock mu birori byo gutanga ibihembo bya Oscars Awards 2022,abantu benshi batandukanye ku Isi bakomeje kugenda batangaza ibintu byinshi bitandukanye kuri iyi nkuru.

Kuri ubu umugore wa Will Smith hamenyekanye amakuru avuga uko yabyakiriye nyuma y’uko hakomeje kuvugwa ko iyo bitaba umugore we yarwaniriye, Will Smith ngo atari kuba yarakubise Chris Rock urushyi.

Ikinyamakuru US Weekly cyatangaje ko amakuru yatangajwe n’inshuti za Jada Pinkett Smith avuga ko Jada atigeze yishimira ibyo umugabo we yakoze.

US Weekly ikomeza ivuga ko umugore wa Will Smith nawe ngo yatunguwe no kubona umugabo we ajya ku rubyiniro agakubita urushyi Chris Rock ndetse uyu mugore yabwiye inshuti ze ko umugabo we ibi byose yaba yarabitewe n’uburakari kuko ngo adasanzwe agira urugomo.

Ikinyamakuru Dail Mail cyo cyatangaje ko mu kiganiro umugore wa Will Smith yakoreye kuri telefoni igendanwa ngo yabwiye inshuti ye ko bitari ngombwa ko Will Smith arwana kuko ngo ni umugore udakeneye kurindwa.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO