Jay Polly na bagenzi be bajuririye igifungo bahawe cy’iminsi 30

Jay Polly n’itsinda ry’abantu batawe muri yombi tariki 23 Mata 2021 bakurikiranyweho kwica amabwiriza yo kwirinda Covid-19 ndetse no gukoresha ibiyobyabwenge birimo urumogi ni bindi bitandukanye bajuririye igifungo cy’iminsi 30 bari bakatiwe n’Urukiko rw’Ibanze rwa Nyarugenge.

Tariki 25 Mata dosiye y’abaregwa yashyikirijwe Ubugenzacyaha bwahise bubapimisha ibiyobyabwenge kugira ngo harebwe niba ibyafatiwe mu rugo kwa Jay Polly aribo babinyweye.

Nyuma ya raporo ya muganga yagaragaje ko bane bafite ibiyobyabwenge mu maraso, bahise batangira gukurikiranwa mu Bushinjacyaha ndetse dosiye yabo inaregerwa urukiko.

Ku wa 20 Gicurasi 2021, ni bwo Urukiko rw’Ibanze rwa Nyarugenge rwakatiye abaregwa gufungwa iminsi 30 y’agateganyo aho bagombaga guhita bajyanwa muri Gereza ya Nyarugenge. Bitewe n’icyorezo cya Covid-19, ntabwo abari bakatiwe bahise bamanurwa i Mageragere kugeza ubwo bajuririye Urukiko.

Amakuru agera hanze n’uko abo bose biteganyijwe ko Nyuma yo kujuririra Urukiko rwisumbuye rwa Gasabo, byitezwe ko abaregwa bazasubira imbere y’ubutabera ku wa Kane tariki 27 Gicurasi 2021 hakamenyekana niba barekurwa cyangwa bahita bagezwa i Mageragere .

Ubushinjacyaha bwari bwasabiye abaregwa gufungwa by’agateganyo kugira ngo igihe ubutabera buzajya bubashakira bujye bubabona, ariko kandi kubafunga bikaba n’uburyo bwo kubafasha kuba baretse ibiyobyabwenge.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO