Jennifer Lopez na Ben Affleck baritegura kwimukira mu Bwongereza

Jennifer Lopez na Ben Affleck baritegura kwimukira mu Bwongereza by’igihe gito. Ibi bibaye nyuma y’uko ibi byamamare byongeye kubyutsa urukundo rwabo umwaka ushize dore ko bari baratandukanye mu mwaka wa 2004.

Aba bombi batagisiba kugaragaza ko bari mu munyenga w’urukundo mu bitangazamakuru bitandukanye, kuri ubu baravugwaho kwerekeza mu Bwongereza ariko mu buryo bw’igihe gito.

Amakuru dukesha Mail avuga ko aba bombi bazaba bagiye mu biruhuko, gusa bibaye nyuma y’uko Ben wamenyekanye cyane muri filime zitandukanye nka Bat-Man, azagaragara muri filime nshya ya "Barbie".

Iyi filime iri gutunganywa na studio ya Warner Bros iherereye i Hertfordshire, uyu akaba ari umujyi wo mu Bwongereza ndetse benshi bagakeka ko ariyo mpamvu aba bombi bateganya kwimukirayo by’igihe gito.

Urukundo rw’aba bombi ni rumwe mu zakanyujijeho mu myaka ya 2000, ndetse Jennifer ubu avuga ko bombi bamaze gukura ndetse bazi ubwenge n’uburambe mu rukundo.

Avuga ko amagambo y’abantu adashobora guhungabanya urukundo rwabo kuko bazi icyangombwa cyo gukora n’icyo batagomba gukora.

Yagize ati " Ntekereza ko ubu twese dukomeye ndetse tuzi ikiza n’ikibi, ntabwo ari nka cya gihe ubwo twari bato , amagambo avugwa n’abantu akangiza umubano wacu."

Jennifer Lopez w’imyaka 52 ari mu rukundo rukomeye na Ben Affleck w’imyaka 49

Aba bombi bari mu rukundo nyuma yo kumara imyaka isaga 17 batandukanye

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO