Jennifer Lopez yamaze gutandukana n’umukunzi we Alex Rodriguez

Mu minsi ishize mu binyamakuru by’imyidagaduro muri Leta zunze ubumwe z’Amerika havuzwe inkuru y’itandukana ry’ibyamamare bibiri Alex Rodriguez na Jennifer Lopez kuri ubu aba bombi bamaze kwemeza itandukana ryabo neza.

Nkuko tubikesha ikinyamakuru Hollywoodlife ibi byamamare ku mugoroba wo kuri uyu wa Kane tariki ya 15 Mata 2021 byashyize hanze itangazo ryemeza itandukana ryabo.

Iryo tangazo riragira riti: "Twamaze kubona ari byo byiza ko twakwibera inshuti zisanzwe ndetse no mu minsi iri imbere niko bizakomeza kumera. Tuzakomeza gukorana no gushyigikirana ku mishinga n’ubushabitsi duhuriyeho. Twifurizanya ibyiza hagati yacu ndetse n’abana.”

Urukundo rwa Alex Rodriguez na Jennifer Lopez rwatangiye kuvugwa mu itangazamakuru ahagana mu mwaka 2017 ariko mw’ibanga rikomeye cyane n’ubwo ahagana muri Werurwe 2019 Alex Rodriguez yambitse impeta uyu mugore mu birori byabereye Bahamas.

Aba bombi Jennifer Lopez w’imyaka 51 na Rodriguez wahoze akina Baseball bari bamaze imyaka irenga ibiri babana nk’umugabo n’umugore ndetse ba bana n’abana babo bagiye babyara aribo : Natasha ufite imyaka 16 na Ella ufite 12 n’ impanga ebyiri za Jennifer zifite imyaka 12.

Uyu mubyeyi si ubwa mbere atandukanye n’umugabo kuko mu mwaka wa 1997 yabanye n’umukinnyi wa Filime Ojani Noa, Muri 2001 nabwo yabanye na Cris Judd batandukana muri 2003, nyuma yaho yabanye n’umuririmbyi Marc Anthony babyaranye abana babiri bakaza gutandukana muri 2011.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO