Jennifer Lopez yatangaje ko kongera gutandukana na Ben Affleck ubu biri kure

Umuhanzikazi Lopez yagaragaje ko bigoye kongera gutandukana na Ben Affleck wamenyekanye muri filime zitandukanye, baheruka kongera kwiyunga nyuma y’imyaka 17 batandukanye.

Uyu muhanzikazi yabitangaje mu kiganiro yagiranye na Rolling Stone ubwo yavugaga ko we na Ben Affleck bamaze kuba abantu bakuru.

Ati “Twese tumaze gukura. Turi abantu bamwe ariko turatandukanye, ariko nibyo byiza. Kugira amahirwe ya kabiri mu rukundo rwa nyarwo nk’uko nabivuze twize byinshi. Tuzi ikintu cya nyacyo n’ikitari cyo. Mu by’ukuri umukino warahindutse.”

Yakomeje avuga ko batari kongera gusubirana bazi ko bateganya gutandukana mu bihe biri imbere.

Ati “Ntabwo ntekereza ko twari gusubirana iyo tuba dutekereza ko ari ho bigana ku kongera gutandukana. Twiyumvamo kuba icyo twongeye kubona aricyo cy’ingenzi, ndetse n’uko tukirinda, ni uko tubaho mu buzima bwacu".

"Icyo dusangira n’icyo tudasangira niwo munzani dufite ubu, inyungu y’ibyo twanyuzemo ni ubwenge twungutse mu myaka yashize.”

Yakomeje avuga ko ibihe byo kuba mu rukundo na Ben Affleck mu 2003 byari byiza cyane mu buzima bwe, avuga ko ibyo abantu babavuze babanenga bikangiza umubano wabo byabaye kubera ko icyo gihe bari bakiri bato cyane.

Uyu mugore aheruka gushyira hanze filime yise ‘Marry Me’.

Kuva muri Gicurasi 2021 mu itangazamakuru ritandukanye muri Amerika hatangiye gusakazwa inkuru y’uko Ben Affleck yaba yasubiranye na Jennifer Lopez bari bamaze imyaka 17 baratandukanye.

Ni inkuru yashingirwaga ku kudasigana kw’aba bombi ariko bakirinda gusohokera rimwe aho bahuriye mu rwego rwo kwima gihamya y’urukundo rw’abo itangazamakuru ryo muri Amerika ryabahoraga inyuma umunsi ku wundi.

Affleck yambitse impeta y’urukundo Jennifer Lopez mu 2002 ndetse icyo gihe mu itangazamakuru couple yabo yari yariswe “Bennifer”.

Iby’urukundo rwabo byaje gusa nk’ibihosha mu 2003 ubwo basubikaga ubukwe bwabo. Mu 2004 baje gutandukana, Buri umwe yagiye agira abandi bakunzi ndetse aranabyara.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO