Johnny Drille aracyazirikana ibihe byiza yagiriye mu Rwanda

John Ighodaro uzwi nka [Johnny Drille] wakunzwe mu ndirimbo ‘Wait For Me’, ‘Rome&Juliet’ n’izindi aracyazirikana ibihe yagiriye mu Rwanda ubwo aheruka kuza kuhataramira muri 2019.

Uyu muhanzi uri mu bakunzwe muri Nigeria yaje mu Rwanda taliki ya 27 Nzeri 2019 yatumiwe mu gitaramo cya Kigali Jazz Junction.

Nyuma y’iyo myaka uyu muhanzi ataragaruka mu Rwanda yatangajeko akizirikana ibihe byiza yahagiriye. Yabitangarije mu kiganiro cyitwa Beats and Sounds gica kuri Televiziyo ya KC2.

Yavuze ko yishimiye kuza mu Rwanda agasanga ari icyamamare bitandukanye nk’uko we yabitekerezaga.

Ati “Ntabwo narinziko mu Rwanda bazi indirimbo zanjye, ni ibintu bishimisha cyane uretse nibyo kandi ndakibuka ibihe byiza nahagiriye ubu mba ndi gusenga Imana kugirango Covid-19 ive mu nzira ubundi nzagaruke gutaramira Abanyarwanda kuko babaye inshuti zanjye.”

Johnny Drille yavutse taliki ya 05 Nyakanga 1990. Avukira muri Leta ya Edo State muri Nigeria. Ise ni Umuyobozi w’ikigo cy’amashuri. Afite abavandimwe bane.

Yatangiye urugendo rw’umuziki akiri muto ahereye mu rusengero. Yize muri Kaminuza ya Beni iherereye mu Mujyi wa Benin aho yize ibijyanye na “English and Literature”.

Mu 2015 yari mu bahanzi batandatu bahatanye mu irushanwa rya “Project Fame West Africa”. Mu 2015 yashyize hanze indirimbo “Wait for Me”. Mu 2016 ashyirwa mu bihembo bya “The Headies” mu cyiciro cya ‘Best Alternative Song’.


Johnny Drille aheruka mu Rwanda muri 2019

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO