Jordin Sparks yavuze ku Rwanda ati “Ni ahantu hari ibiryo bimeze neza”

Umuhanzi w’icyamamare ku Isi Jordin Brianna Sparks yatangaje ko u Rwanda aricyo gihugu cya mbere gifite ahantu heza akunda aboneraho no kubaza niba Restaurant yigeze kuriramo aza muri Kigali igikora.

Uyu muhanzikazi w’imyaka 30 ubu butumwa yabunyujije ku rukuta rwe rwa Twitter, aho yagize ati “U Rwanda ni ho hantu ha mbere heza nkunda ku Isi.”

Ubu butumwa bwakoze ku mutima abanyarwanda bahise bamuhundagazaho ibitekerezo bimuha ikaze mu rw’imisozi igihumbi.

Aho hatangirwa ibitekerezo nawe yakomeje aganira na bamwe bamubwiraga ko bamukumbuye mu Rwanda kuko aheruka kuhaza muri 2011 aje nk’ umwe mu bari bagize umuryango witwa ‘Bridge to Rwanda’ wafatanyije na ‘Starckey Hearing Foundation’ mu gufasha abana bafite ikibazo cyo kutumva.

Yanavuze kuri imwe muri Reastaurant yo muri Kigali yaririyemo ibiryo byiza ati “Heaven muri Kigali iracyahari irakora? Hariya hantu hari ibiryo bimeze neza.”

Jordin Sparks yamenyekanye cyane mu ndirimbo nka “No air yakoranye na Chris Brown, one step at a time, tattoo, now you tell me” n’izindi nyinshi.

Uretse kuba ari umuhanzi yagiye anagaragara muri filime zitandukanye nka “Sparkle, God Bless the broken road, Show Dogs, Dear Secret Santa, The Grace of Jake” n’izindi.

Jordin Sparks yaherukaga mu Rwanda muri 2011

Indirimbo benshi bamumenyeyeho

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO