Jose Chameleone ari gutegura igitaramo mu Rwanda

Umuhanzi Jose Chameleone wubatse izina mu muziki wa Uganda agakundwa n’abatari bake na hano mu Rwanda yateguje ko agiye gutaramira i Kigali mu gihe cya vuba.

Uyu muhanzi ibi yabitangaje abinyujije ku mbuga ze nkoranyambaga nka Instagram aho yavuze ko agiye gukorera igitaramo cya “Rwanda Tour”.

Nubwo atatangaje amatariki azataramiraho i Kigali, Jose Chameleon, yavuze ko agomba kuza gutaramira mu Rwanda.

Jose Chameleone ateguje kuza gutaramira mu Rwanda nyuma y’iminsi azenguruka mu bihugu bitandukanye byo muri Afurika no ku mugabane w’Uburayi yataramiye mu mpera z’umwaka ushize wa 2021, nyuma yakomereje muri Repubulika Iharanira Demokarasi ya Congo aho yakoze ibitaramo bitandukanye.

Jose Chameleone wanabaye mu Rwanda, yaherukaga kuhataramira mu mwaka wa 2018 ubwo yari yitabiriye igitaramo cy’umuhanzi DJ Pius ubwo yamurikaga alubumu ye yise “Iwacu”.

Jose Chameleone ni umwe mu bahanzi bakomeye muri Uganda kuko indirimbo ze zabiciye bigacika muri iki gihugu, ndetse zikagera no mu Rwanda, muri zo twavuga nka alubumu ze yasohoye nka Bayuda, Shida za Dunia, Mambo Bado, Njo Karibu, Mama Mia n’izindi.

Gusa indirimbo ze nka Dorotia, Kipepeo, Tatizo, Kwagala nyo, Shida za Dunia, valu valu na Jamila zakanyujijeho mu matwi ya benshi banazibyinnye.

Yagiye akorana n’abahanzi bakomeye muri Afurika harimo n’Abanyarwanda, muri bo twavuga nka Koffi Olomide, Pallaso, Patoraking, Davido, Dj Pius n’abandi.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO