Juda Muzik yasohoye indirimbo yakomotse kuri umwe muri bo uheruka gupfusha umukunzi

Itsinda ry’abasore babiri ryo mu Rwanda rizwi nka Juda Muzik ryashyize hanze indirimbo nshya yitwa “Iminsi” ikomoka kuri umwe muri bo uheruka gupfusha umukunzi.

Umwe mu basore bagize iri tsinda aheruka gupfusha umukunzi we, bituma iri tsinda rikora mu nganzo bahimba indirimbo ivuga ku gahinda gaterwa no gupfusha uwo ukunda.

Umukobwa witwa Umuringa Liliane witabye Imana mu buryo butunguranye ku wa Mbere, tariki 10 Mutarama 2022 niwe wari umukunzi wa Alex Mbaraga uzwi nka Junior akaba ari umwe muri babiri bagize itsinda rya Juda Muzik.

Muri iyi ndirimbo bagaragaza ko kubura uwawe ari ikintu gikomeye ku buryo hari naho uwamubuze agera akaba yakwifuza ko baba barajyanye.

Hari aho aba basore bagera bakaririmba bati “Iyo umbwira tukajyana, ko aho uri wowe umeze neza. Iminsi irandushya ni umwijima gusa, sinamenye icyo ihatse wenda nari kugusezera.”

Junior (ibumoso) n’umukunzi we Liliane (iburyo) uheruka gupfa muburyo butunguranye


Raba indirimbo iminsi ya Juda Muzik hano

Yanditswe na Popo Paulin.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO