Jules Sentore yasabye abagabo guha agaciro abagore

Umuhanzi Jules Sentore umwe mu bamaze kubaka amateka mu njyana ya gakondo yongeye kwerekana ko umugore ari ipfundo ry’umuryango asaba abagabo guha agaciro abagore babo batabatesha agaciro ngo babakorere ihohoterwa rishingiye ku gitsina.

Uyu musore uherutse guhabwa inkoni y’ubushumba y’injyana ya Gakondo mu gitaramo cy’ubudasa ‘Inganzo yaratabaye’ abinyujije ku rukuta rwe rwa twitter yasabye abagabo guha abagore babo agaciro bakareka kubafa nk’igikoresho cyo mu rugo.

Muri ubwo butumwa Jules Sentore yagize ati “Bagabo nimusigeho ntabwo umugore ari igikoresho kuko iyo wamukoye burya ntuba umuguze ahubwo uba wubashye umuryango wamwibarutse nawe ukagira uti muragahorana amata ku ruhimbi, dore ubutore ni ubu ’kubaha Umwari w’u Rwanda ni ryo shema ry’igihugu."

Nyuma yo gushyiraho ubwo butumwa bamwe mu bamukurikira witwa Mudakikwa yamusubije agira ati “Kuba mwarashakanye ntibikuraho ubushake n’ubwumvikane! Gukoresha uwo mwashakanye imibonano mpuzabitsina ku gahato (atabishaka) ni icyaha gihanwa n’itegeko Nº 59/2008 ryo ku wa 10/09/2009 rikumira kandi rihana #ihohoterwa iryo ari ryo ryose rishingiye ku gitsina!

Iryo Itegeko rivuga ko gukoresha undi imibonano mpuzabitsina ku gahato hakoreshejwe imbaraga, iterabwoba, uburiganya, ububasha amufiteho cyangwa abikoze ku bw’intege nke z’uwakorewe icyaha bihanishwa igifungo kitarengeje imyaka 15.

Mudakikwa kandi yakomeje agira ati “Gerageza wumve ko umuntu atari imashini, ko ashobora kuba atari muri mood cyangwa yakoze imirimo myinshi kandi ivunanye akaba ananiwe, ko yaba afite ihungabana yatewe n’ikintu runaka hanyuma mugenzi we ati :"Ugomba gukora icyakuzanye! Habayemo koroherana no kumvikana hapfa iki?"

Jules sentore ahurutse gushyira hanze indirimbo Mama avuga ku butwari bwa mama we umubyara.

Igitekerezo cyawe kirashyirwaho aruko gisusumwe

TANGA IGITEKEREZO