Jules Sentore yasabye abahanzi bakibyiruka kwitondera indirimbo bita iza kera

Jules Sentore ukora umuziki yibanda ku ndirimbo za Gakondo yasabye abahanzi bagezweho muri iyi minsi bakunze gusubiramo indirimbo bakunze kwita iza kera ko bazajya bazitondera bitewe n’uko zifite ubuganga bw’isumbuye cyane.

Uyu muhanzi ibi yabinyujije ku rukuta rwe rwa Twitter avuga ko abahanzi bagezweho ubu (New generation) bagakwiye kwitonda cyane mugihe bagiye gusubiramo indirimbo z’abahanzi bakuze bo hambere.

Ati “Burya iyo umuhanzi asubiyemo indirimbo ifite ibigwi yagakwiriye kugira ibyo yitondera kuko abayumva baba biteze ubuhanga (Inyigo) bw’isumbuye kuyari isanzwe niko kuyiha Agaciro ikwiye, Ndabinginze bahanzi b’akibyiruka, mwitondere Indirimbo benshi bita iza Kera… Burya Ziratyaye.”

Yakomeje avuga ko bagakwiye kwitondera indirimbo z’abahanzi barimo “Kayirebwa, Massamba Intore, Nyiranyamibwa Suzana, Mariya Yohani, Makanyaga Abdul, Impala Orchestre,” n’abandi benshi...

Ati “Aba bahanzi ni abo kwitondera dore ko ntaho bagiye bamwe bakiriho kandi biteguye kutwungura muri uru rugendo rwa Muzika.”

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO