Justin Bieber arashinjwa ibyaha byo gusambanya ku gahato abagore babiri

Umuririmbyi Justin Drew Bieber ukomoka muri Canada arashinjwa ibyaha byo gusambanya ku gahato abagore babiri byabaye mu mwaka wa 2014 na 2015.

Justin Bieber w’imyaka 27 yashinjwe n’umugore witwa Danielle kumusambanya ku gahato muri hoteli yitwa Four Seasons Hotel iherereye i Texas.

Uyu mugore avuga ko iki cyaha yagikorewe na Justin mu kwezi kwa Werurwe 2014, Gusa Justin we yatanze ikirego avuga ko ibyo uyu mugore yakoze byari ukumwangiriza izina gusa amusebya dore ko ngo atigeze aryamana nawe.

Amakuru dukesha inyandiko zifitiwe kopi n’urubuga Radar Online avuga ko nyuma y’uko urukiko rw’umvise impande zombi mu kwezi gushize, Justin na Danielle ngo bahisemo gukemura ibibazo bwite bafitanye hagati y’abo gusa ntibyashoboka.

Justin Bieber nanone yareze Danielle hamwe n’undi mugore wamushinje kumuhohotera witwa Kadi, bose asaba ko bamuha indishyi z’akababaro zingana na miliyoni 10 z’amadolari ya Amerika bitewe n’ingaruka byamugizeho nyuma y’uko aba bombi bamushinje kubasambanya.

Igihe Justin Bieber yahakanaga ko atigeze ahohotera aba bagore bombi, yatanze ibizibiti byerekana aho yarari igihe aba bavuga ko yabahohoteraga. Yavuze ko ibyo bamushinja byose ari ibihimbano kandi nta gihamya bifite.

Danielle avuga ko yasambanyijwe ku gahato na Justin Bieber tariki 9 Werurwe 2014 muri Hoteli yitwa Four Seasons iri i Texas nyuma y’igitaramo yari yakoze.

Gusa Justin Bieber we avuga ko itariki icyo cyaha cyabereyeho atigeze arara muri iyo hoteli cyangwa ngo abe yarigeze akodeshamo icyumba ndetse yongeraho ko yari kumwe na Selena Gomez bahoze bakundana.

Justin Bieber akomeza avuga ko ibyo ashinjwa byose ari ibimuharabika kandi bigamije kwanduza izina rye ngo kuko uyu mugore akomeza avuga ko yafashe amafunguro muri iyi hoteli ku itariki 10 Werurwe 2014.

Mu byaha Justin ashinjwa n’umugore wa kabiri witwa Kadi we avuga ko yamusambanyije ku gahato muri hoteli ya Langham iherereye i New York City ahagana saa munani n’igice z’urukerera ku itariki 5 Gicurasi 2015.

Ibi nabyo Justin yarabihakanye avuga ko bidashoboka kuko kuri iyo tariki yari i New York ariko yitabiriye ibirori yari yatumiwemo ndetse akavuga ko aho yahavuye saa kumi z’igitondo kandi yongeraho ko afite ibizibiti birimo amafoto n’abandi batangabuhamya bashobora kumubera abagabo.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO