Justin Bieber ati:’’ Kwizera Yesu byampaye amahoro n’ibyiringiro nyuma yo kwibasirwa n’uburwayi bukomeye"

Justin Bieber umwe mu baririmbyi bakunzwe cyane kuri iyi si, avuga ko kwizera Yesu byamufashije cyane guhangana n’ikibazo cy’uburwayi bukomeye bwamibasiye muri iyi minsi.

Justin Drew Bieber w’imyaka 28 wamenyekanye cyane nka Justin Bieber hashize iminsi mike ahishuye ko yibasiwe n’uburwayi bwa rubagimpande ifata mu isura yitwa Ramsay Hunt syndrome, iyi ndwara iterwa n’agakoko (Virus) ikunze kwibasira amatwi bigatera rubagimpande mu isura yose.

Iyo umaze kwibasirwa n’aka gakoko, gatuma igice kimwe kidakora neza kikagagara, Uku kugagara byatumye uyu muhanzi asubika ibitaramo yiteguraga.

Justin Bieber iyi ndwara yatumye uruhande rw’iburyo rw’isura ye yose yibasirwa kuburyo ibice by’iburyo birimo ijisho, n’izuru n’umunwa byose bidashobora kunyeganyega nk’uko yabisangije abakunzi be mu mashusho y’iminota 2 n’amasegonda 54 ndetse aboneraho kwihanganisha abafana be bari biteguye ko azabataramira.

Yakomeje agaragaza ko yizeye Imana cyane kandi ko ibi byamubayeho ku bw’impamvu ndetse ko nta kabuza azakira mu gihe kitarambiranye kuko ari kwitabwaho n’abaganga ndetse akagerageza gukora imyitozo y’uru ruhande kugirango rukomeze kumenyera ndetse ko amasengesho y’abakunzi be akenewe.


Uyu muririmbyi ni kenshi yagaragaje ko Yesu ariwe byiringiro bye aho yanditse ku rukuta rwe rwa Instagram ati:" Ndabizi neza ko ibi bibazo bizarangira mu gihe gito kandi Yesu ari kumwe nanjye."

Justin Bieber yizeye Yesu cyane dore ko yanamwishushanyijeho nk’uko bigaragara ku kaguru ke no mu gituza handitse ngo ’Umwana w’Imana’

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO