Icyo KCCA ivuga ku mukinnyi w’Umunyarwanda ’Nemeyimana’ wifuzwa na APR FC

Ikipe ya KCCA yo muri Uganda yanze amafaranga angana na Miliyoni 50 yahabwaga na APR FC ku munyarwanda ukina muri iyi kipe witwa Nemeyimana Samuel Kato bo basaba ko bagomba kumugura miliyoni 100 frw.

APR Fc ikomeje kwiyubaka bucece nyuma yuko bamwe mu bayobozi bayo batangarije ko bifuza umukinnyi mwiza wese w’umunyarwanda ukina muri aka karere.

Mu mpera z’icyumweru gishize nibwo Samuel Kato Myugariro wa KCCA wifuza gukinira u Rwanda yatangarije kimwe mu gitangazamakuru cya hano mu Rwanda ko yamaze kuvugana n’umuyobozi wa APR Fc amubwira ko yifuza ko yaza gukina muri iyi kipe.

Uyu musore yagize ati: “Nibyo koko ejo navuganye n’umuyobozi wa APR Fc ambwira ko yifuza ko naza gukina, ambwira ko nabona n’amahirwe yo gukinira ikipe y’igihugu y’u Rwanda kandi ndabyifuza kuko sincaka gukinira Uganda.”

Ikinyamakuru kitwa Football256 cyo muri Uganda cyandika ku mikino, cyanditse ko APR Fc yari yatanze Miliyoni 50 z’amafaranga y’u Rwanda, gusa KCCA itangaza ko yo yifuza ibihumbi 100 by’amadorali y’Amerika ahwanye na miliyoni 100 z’amafaranga y’ u Rwanda.

Amakuru dukesha Lugogo yo muri Uganda nayo yanditse ko KCCA itifuza gutakaza uyu musore w’umunyarwanda w’imyaka 21 y’amavuko.

Mike Mutebi umuyobozi wa KCCA we aherutse gutangaza ko umukinnyi wese uzerekana ko ashaka kugenda ikipe imwifuza izatanga ibyo KCCA ishaka maze bakamurekura.

Myugariro Nemeyimana Samuel Kato wifuza kuza muri APR Fc

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO