KENYA Abaturage bari mu rungabangabo aho bategereje ibyavuye mu matora

Mu gihugu cya Kenya abaturage bakomeje guhera mu rungabangabo nyuma y’uko hashize iminsi itandatu habaye amatora y’umukuru w’igihugu aho kugeza ubu William Ruto na Raila Odinga bose ntawe uzi uwatsinze.

Kubera ko ibyavuye mu matora birimo kugenda gahoro gahoro abaturage barimo kurushaho kugira ubwoba n’igishyika ku mutima dore ko bamwe bashyigikiye Odinga abandi bakaba bashyigikiye Ruto.

Gusa biravugwa ko 3/4 by’amatora byamaze kumenyekana ko William Ruto arimo kuza kumwanya wa mbere aho ari imbere ya mugenzi we Raila Odinga.

Kubera ibyabaye hambere, igishyika n’ubwoba bw’imvururu biri henshi muri Kenya mu gihe haba hatangajwe perezida watsinze.

Abantu ku giti cyabo, imiryango n’amatsinda bitandukanye nka Kiliziya Gatolika, basabye Abanyakenya kwirinda ibikorwa byose byatangiza urugomo.

Gusa abashyigikiye Ruto bashinja bakeba babo bashyigikiye Odinga kwivanga mu gikorwa cyo kubara amajwi.

Komisiyo y’amatora ntigomba kurenza kuwa kabiri saa kumi n’imwe z’umugoroba itaratangaza uwatsinze amatora.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO