KENYA:N’izibika zari amagi uwari umucuruzi w’inkoko ashaka guhatana mu matora y’umukuru w’igihugu

Ubuzima bwa bwana William Ruto ni ikitegererezo gikomeye kiza ku buzima bw’abaturage b’igihugu cya Kenya cyane cyane abayeho mu buzima butari bwiza burimo ibibazo bitandukanye bijyanye n’imibereho.

Bwana William Ruto kwambara inkweto yabifataga nk’amateka ndetse ubwo yigaga mu Mashuri abanza ntabwo yagiraga inkweto zo kwambara mu birenge kuko yajyaga ku ishuri yambaye ibirenge ndetse kwambara inkweto yabifataga nk’inzozi.

Nyakubahwa William Ruto yambaye inkweto bwa mbere ubwo yari afite imyaka 15 y’amavuko ndetse uyu mugabo yanacuruje ubunyobwa n’inkoko ubwo yakomezaga gushaka ubuzima n’imibereho ihamye Kandi irambye.

Uyu mugabo akomeje urugamba rwo guhatanira kuba umukuru w’igihugu aho mu mbwirwaruhame ze zitandukanye zigaruka cyane kuvuganira abakene n’abatindi nyakujya batagira n’urwara rwo kwishima.

Uyu mugabo ahatanye mu matora ateganyijwe kuba muri Kanama uyu mwaka.

Kugeza ubu,mu gihugu cya Kenya ubukene buranuma ndetse n’ubushomeri bukomeje gufata indi ntera kugeza aho ku kigero kiri hagati y’abafite imyaka 18 na 34 ubushomeri bwabo buri ku kigero cya 40%.

Mu ntego za bwana William Ruto harimo gushyiraho politike ihamye yo kuzahura ubukungu bw’iki gihugu harimo gushyiraho gahunda yafasha abashomeri kubona icyo bakora ndetse iyi gahunda ye ngo izafacya cyane abakene batagira shingle na rugero.

Ruto yakoze mu myanya itandukanye cyane cyane muri gahunda zijyanye n’uburezi ndetse akora no muri Minisiteri aho ibi byamugejeje ku rwego rwo kuba Visi Perezida.

Magingo aya William Ruto arebana ayingwe na Uhulu Kenyatta dore ko baherutse gushyamirana ku buryo bukomeye cyane.

Ruto aracyari ku butegetsi, kubera ibiteganywa n’itegekonshinga bituma umwanya wa Visi Perezida ugumaho.

Inkuru dukesha BBC ivuga ko bwana William Ruto akunda ubuhinzi, aho ahinga ibigori, ndetse akorora inka n’inkoko.

Afite ubutaka bunini mu burengerazuba bwa Kenya no mu karere gakora ku nyanja y’Ubuhinde, ndetse yashoye n’imari mu rwego rw’amahoteli.

Ruto yavuzweho ruswa muri guverinoma ndetse aho yakuye umutungo we havugwaho byinshi.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO